得閒圍脖
Irene：
香港潮流界近年開始流行韓國服裝，無論設計、質地及可穿度都逐漸追上日貨。我一向也Buy日本設計多些，直至最近朋友向我推介一個韓國服裝購物網Zipia，真正令我刮目相看。在網站內可欣賞到型格的服飾，男女裝、衫褲鞋及飾品都有，每個星期都有大量新貨，最重要是價錢平，一百幾十有交易。只需簡單登記就可購物，不過要買滿US$300才送貨到香港，不妨約埋朋友一齊入貨。
Candy：
我喜歡影菲林相多過數碼相，因為要等待沖晒，那份期待十分美麗，幻想着相片沖晒出來的效果。今個聖誕，最想收到一部Lomo相機，可以立即跟好友影個痛快，捕捉他們最美的一刻和最快樂的時光。
Jun：
時裝人的最高榮譽，不是「嘩！你個袋好靚，邊度買？」「都未出你已經用緊嘞？」而係觸覺，當你能夠緊握潮流的循環圈作出未卜先知，在那泡沫產生前快人一步，就能獲此冠冕。今年Hunting Style大熱，竟發現10年前買的一件Helmut Lang外套和這個Style不謀而合，除了唔夠Slim之外，所有都是到位的絕配，內心大讚自己10年前就已經預測到這熱潮誕生的潮流觸覺。係，就係咁啫！我點都要自我冊封一次。