潮爆單品複製GaGa

全球人氣 Fashion Icon Lady GaGa着咩興咩，除了可歸功於其Stylist的慧眼之外，幕後的設計師更加是功不可沒。Lady GaGa日本御用時裝設計師之一的Kai & Taku本月首度訪港，與wtc more合辦時裝展Showoff GaGa着過的Showpieces，現場仲有Pop Up Store販賣自家型爆品牌Dog的2011最新潮爆單品。萬事俱備，只欠金髮，仲唔快啲買個假髮頂住先？

在2008年彈起的Lady GaGa，憑出位造型成功上位，氣勢比上世紀末嘅Madonna還要強。能得GaGa金身穿過的服飾，十件有九件都能升價十倍，裏原宿日本地下品牌Dog就是其一。人稱Recycled Store+Select Shop的Dog一直以來也獲得世界各地紅星的鼎力支持，Fans List水蛇春咁長，包括超人氣設計師Jeremy Scott、法國b姐、美國天后級歌手Beyonce、日本的堂本剛、小田切讓、西村哲也、名模渡邊知夏子、長谷川潤以及超人氣歌姬AI等。今次為搞wtc more × Dog．The MONSTER Exhibition，由日本空運到港的四套GaGa Showpieces和多款獨一無二的潮服，均極盡視覺效果。

惡搞名牌最出位

能夠得GaGa姐歡心，設計一定與眾不同，就Alexander McQueen 10吋高跟鞋Armadillo和牛肉衫事件而言，最緊要爆！Dog的爆點，就係鍾意人棄我取，將廢物加工，不時用上生銹鐵片、汽水罐、Acrylic膠水、唱片封套等DIY，製成品浮誇至極，絕對估佢唔到咁型！幕後主腦人Kai & Taku又經常惡搞名牌，將人家作品加工兼改頭換面，不少一線名牌早已將其列入Blacklist，不過「惡名」愈「昭彰」，人氣就愈爆！就無定向的創作風格加上出奇不意的材料而言，極具藝術家氣質的Kai & Taku均異口同聲表示設計靈感來自剎那的感覺，加上是人手製造，沒可能有十足十的複製品，絕對是只此一家！

wtc more × Dog．The MONSTER Exhibition

地點：wtc more 展期：即日起至1月2日

查詢：2576 4121

限定Pop Up Store 注目單品

咪以為展覽得個睇字，同場還有Pop Up Store販賣Dog潮物，每款只有一件，其中眼鏡最受歡迎，其次是飾物，有傳媒朋友已經Mark定入貨，有買真係要趁手！順帶一提，今個除夕夜wtc more世貿中心將以「Lady ++」為主題，召集熱愛GaGa Style的潮人一齊倒數，記得到時有幾爆扮到幾爆喇！

主腦對談錄

先旨聲明，藝術家的思想同舉止是非常高深莫測，估佢唔到的，因此訪問內容極為隨性佻脫，請勿見怪！

記 ：Dog這名稱有甚麼意思？

Kai ：沒有，當時剛剛想到而已。

記 ：你們的服飾如此浮誇，靈感來源是甚麼？用幾多時間製作？

Kai ：大部分都記不起來了。不過我通常臨瞓前就會靈感湧現，可能是特別放鬆吧。

Taku ：1日到3個月不等。

記 ：會穿自己設計的服飾嗎？

Taku ：不會，因為我怕醜（靦腆地笑）。

記 ：設計最難的地方是甚麼？

Taku ：未諗好下次設計咩好。

記 ：平日喜歡做甚麼？

Kai ：耍醉拳！因為I Like Jacky Chan（即席示範，非常有台型，甚有睇頭！）

Taku ：用iPhone影相。

記 ：最喜歡的衣物是甚麼？

Kai ：襪子，因為家裏沒有洗衣機，衣櫃裏一定保持30對襪子或以上。

Taku ：睡覺的衣服最舒服。

記 ：開店以來，有沒有深刻難忘事？

Kai ：AI是常客，有Fans知道了她的衣飾購自Dog，來我店要求買同款的衣服，但我們的設計只此一件，最終花了好一段時間製作出來，她看到時即時感動得哭了出來。

Taku ：Beyonce打來我店預先單聲話買衫，結果佢同妹妹來了兩次，共花了100萬日圓！

眾星力撐 潮爆示範

名模渡邊知夏子穿上Dog潮服影2008年12月號《ViVi》封面。

超人氣歌姬AI穿過Dog出品的Patchwork牛仔褸，即有不少粉絲問價！