GS450h創造歷史
GS450h創造歷史
雖然今屆澳門大賽車已經圓滿結束，不過仲有唔少重要場面歷歷在目，例如莫他拿成為首位蟬聯F3嘅冠軍車手，以及首款混能車種——GS450h出戰濠江。呢款由街車改裝而成嘅落場版，由凌志GS450h首席工程師金森善彥提供技術協助，維持油、電混合嘅動力配搭外，車廂、懸掛、制動及行車電腦統統升呢，結果順利完成整項澳門路車挑戰賽，以第11位嘅成績返終點。環保技術進軍賽車界，絕對係可喜可賀嘅事，期望下屆澳門大賽車有更多環保生力軍參加啦！
凌志GS450h首席工程師金森善彥，遠道嚟到澳門打氣。