溫暖蝸居 狗狗上車盤
「寵物台特別新聞報道：一股寒流侵襲本港，氣溫急轉直下，各位務必做足禦寒措施。正所謂『人要加被鋪，狗要換新床』，主人為自己加衣外，亦請準備好禦寒新狗竇。」報道完畢，各位主人識做啦！
近日樓價飆升，人人都為上車無期而怨聲載道；幸而狗狗上車則容易得多，起碼不用儲首期，否則狗狗可能輪迴幾世都未必入到伙。天氣轉涼，主人應該為狗狗添置冬貨，雖然狗毛有禦寒作用，但未必足夠於冬天抵禦寒風，因此，買間保暖狗屋給牠最適合不過。
新一季的狗屋設計新穎，狗屋形、被鋪形的款式當然最煞食，皆因兩者同樣夠保暖，小狗鑽進自家安樂窩，到時主人想家中隻旺財出嚟陪你玩都難！主人大可放心，靚靚狗竇數百元已有多款選擇，不似得人類的「狗竇」，數百萬元也只得放不落雙人床的主人房仔。
狗居有其屋
養狗者一定知道狗狗有鋪發夢癮，半夜見佢腳仔撐撐，不怕牠發噩夢，最怕牠冷親！狗屋夠晒大包圍，夠密實，加上可愛造型，發個又暖又甜好夢話咁易！
慳位夠私人
狗床除讓狗狗區別主人和自己睡覺的地方，最重要當然是有私狗空間；被鋪形狗床設計夠慳位，就算主人家地方細細，小狗也有一處溫暖的容身之所！
查詢︰（a）2153 9983 （b）2153 9999 （c）6050 9819 （d）6541 6128
（左起）拖鞋藤籃款，有開放式遮蓋及隨意加厚墊，是冬暖夏涼的最佳選擇！$480黃色蘑茹屋 $350Winnie The Pooh樹幹形狗床 $480（All from a）
士多啤梨屋仔 $450（a）
毛毛蝴蝶結狗屋，活像公主寢宮。 $450（a）
白兔仔狗屋 $350 （a）
今年冬天，希望靚仔可與米奇老鼠大被同眠。$450（a）
粉紅免仔狗被鋪，加上枕頭一個，狗狗一定瞓得勁冧。 $450（a）
聖誕樹狗屋，狗狗在樹下思量今年聖誕禮物是狗骨還是玩具呢！$680（a）
德國品牌Hunter狗床，貴在以防水、防蝨技術製作狗床布料，夜尿？No Way！$3,280（b）
今年繼續潮興豹紋，梳化形狗床襯晒主人豹女郎，同系列還有狗貓都啱的軟墊。狗梳化 $308、軟墊 $128-$188（c）
紅色膠狗床，最啱貪靚主人用來配襯一室型格家品，毛毛墊仲暖笠笠添！膠狗床 $1,582、毛毛墊 $198（b）
圓形狗床空間較大，狗狗點碌都得。$480 （a）
這款狗床，狗狗就像睡特大酒店式雙人床一樣，梳乎！ $580