得閒圍脖

CMM：

視台灣為第二個家的我，上星期又回鄉了，出發前趕緊完成手頭的工作，終於能定過「台」遊。這次一行8人，先落台中，再轉戰台北。在短短5天內，我們到過奧萬大賞紅葉、彩虹村觀塗鴉牆、逢甲夜市掃街、龍山寺求月老牽紅線……還有好友們為我而設的驚喜生日之夜，這一切都很窩心很難忘。為了留住台灣的味道，臨走前我訂了昆明街牛店的真空牛肉麵再空運回港，將那份家鄉的味道延續下去。

師傅仔：

「Oh No！點解又要食杯麵呀？」

「唉，我暈啦！」

每次一喺公司開O.T.，我就食杯麵醫肚，大大話話都食咗幾十個。（可能幾百個？哈哈）以為好慘？但其實，我都幾鍾意食o架，方便又多款式。而呢個「杯麵人」就負責幫手冚住個蓋兼計時，只要見佢對手由紅變白就食得，嘩，開餐Lu！

S.man：

「無飯夫妻」原來一點不易做。我都好想每日有住家飯食，但放咗工「攰LaiLai」，哪有精力和心機撚兩味？廚房裏的煮食爐不知有幾多個月冇開動過，差在未發霉生青苔。上星期日「的」起心肝自煮晚餐，買來鴻星出品的珍珠鮑撈麵，麵餅和鮑魚放滾水煮3分鐘，撈起瀝乾淋上加熱了的芡汁就食得。唔係咩九大簋，但都係我親手煮製，現代「煮」人，係咁上下啦！