HotCha打造聖誕猛男
HotCha打造聖誕猛男
一年容易又到聖誕，人氣女子組合HotCha今年密密接Job，就連聖誕都要在工作中度過，所以Winkie最大心願，就係放假去旅行︰「我好鍾意法國，初行時冇錢去，依家就冇時間。只要能在當地露天茶座喝杯咖啡，我都心滿意足。」Crystal則同一般少女無異，最想聖誕有愛人陪︰「朋友個個都有影皆雙，我就形單隻影，希望Mr. Right快啲出現啦！」至於Regen就工作至上，最想拍番個媲美韓國質素嘅精彩MV︰「質素有偶像Big Bang一半都好了！」
HotCha三妹都愛自己炮製形象，我話假設要她們擔當聖誕老人的Stylist，三人立即七嘴八舌發表一番。Crystal與Regen就話一定要瘦︰「聖誕老人肥咗好耐喇，瘦身後型啲又健康啲，最好係有42吋胸肌兼剃埋鬚，成個羅仲謙咁！」愛Bling Bling打扮的Winkie就要幫聖誕老人戴上鑽石耳環︰「我想佢再Hip Hop啲，所以最好戴埋金鏈，Yo住唱聖誕歌就最正喇！」
Regen崇拜韓國組合Big Bang，她希望所拍MV能有偶像的一半水準。