《Angry Birds Seasons》每日一關倒數迎聖誕
《Angry Birds Seasons》每日一關倒數迎聖誕
估唔到《Angry Birds》呢隻iPhone必玩嘅遊戲，繼萬聖節大玩Halloween版後，12月又推出聖誕版，連隻紅色憤怒鳥都戴咗頂聖誕帽應吓節。雖然遊戲玩法冇變，不過場景就換晒做雪景，而且仲有禮物道具，陪你倒數迎聖誕！
應節場景 玩到正日
聖誕版除咗有雪地、聖誕樹、禮物等等應節場景外，最重要係多咗25關，而且仲要由月頭開始，逐日開放一關畀大家玩，玩完就啱啱好係12月25日聖誕節正日，你話幾有心思。不過大家要留意，聖誕版需要上網連接遊戲伺服器，先可以下載到新關卡！另外，如果大家先前下載咗Halloween版本嘅話，仲可以免費更新至聖誕版，真係有排玩！
費用：$0.99美元
新增禮物道具，撞爛佢就有分加！
25個全新關卡，逐日開放，有心思！
升級到聖誕版後，仲保留番Halloween版，想玩番舊版都冇問題。