林莉彩紙代替白雪
林莉彩紙代替白雪
雖然距離聖誕仲有大半個月，但唔少人視聖誕節為最愛節日，因而會為聖誕的來臨提早作好準備，林莉（Carrie）便是其中一分子。自稱已有Holiday Mood的Carrie，會趁不用開工的日子，在家狂「煲碟」，為了感受聖誕氣氛，她會刻意揀舊的聖誕電影翻睇，最近就睇由麥哥利高堅主演的一系列《寶貝智多星》系列。「好鍾意聖誕電影係因為故事背景會布置得好有聖誕氣氛，《寶貝智多星》系列內容圍繞聖誕期間發生的奇趣事，搞笑中帶點聖誕溫情，感覺好Warm。」
除此之外，很少下廚的Carrie，也想在聖誕節自製火雞邀朋友House Warming。「由於一個人住，平時好少煮食，但最近突然有學煮嘢食的念頭，所以好想在聖誕節炮製火雞，測試自己的廚藝，朋友到來食聖誕大餐，都有應節的火雞充撐場面。」另外，她還希望天空上會落下滿天的彩紙碎，充滿色彩，一定比漫天白雪更為浪漫。
火雞是聖誕大餐必備食品。