除咗被Spyker收購外，紳寶（Saab）已經好耐冇消息發布，就連香港都冇新車返，不過廠方最近宣布將會進軍中型SUV市場，掛帥新車係9-4X。除咗高頭大馬之餘，9-4X嘅性能亦相當唔錯，2.8公升V6 Turbo就有300bhp馬力，配合XWD四驅系統，On-road或Off-road都同樣在行，而且安全設計已經達到NCAP五星評級。據知唔只9-4X，9-3 Griffin及9-5 Wagon都有機會喺下年到港，紳寶粉絲放心晒啦！
除咗房車、旅行車、房跑車及開篷車外，紳寶將會派出9-4X加入SUV市場。
