星級絕招Party Look

年尾特別多婚宴和派對，正忙着準備戰衣和禮物的你，肯定荷包大出血，可別忘記好好打扮，以完美的Total Look示人。既然「面子」與荷包攸關，還請星級化妝師Elly Wong示範親民價的日夜妝容，讓你可慳慳哋化番個靚妝，留番啲錢嚟買靚衫！

聖誕節大家通常都節目多多，日間除了和朋友行街睇戲Shopping外，於下午時段已經可能要出席Tea Time Function或者準備去婚宴，所以日間的妝容也不可太素，可以粉紅色的清麗妝容為主；晚上換上煙熏眼妝即可再去Party，方便又Easy。

清麗眼影 微翹眼線

日妝要以輕量級妝容為主，Elly教路：「深色的眼影未免太過Heavy和隆重，我建議用柔和的粉紅色，On Top印上銀色閃粉眼影，銀白色的Bling Bling效果能增添節日氣氛。」

不過銀色眼影容易令雙眼太Flat和浮腫，Elly有妙法解決：「關鍵在於眼線應稍為延伸，尾端要微微翹起，令眼部輪廓更清晰，看起來神采飛揚。」至於唇妝方面，在眾多的平價化妝品中，Elly特別推介日牌Canmake的裸色唇膏：「表面看唇膏的顏色與肉色冇分別，但塗上粉紅色的唇彩後，即產生微妙化學作用，唇膏自然Tune成Crayon Pink，甚有Dolly Girl的可愛感，而且以此價位有如此質素，可謂物超所值。」

柔和煙熏 着重層次

入夜之後，環境氣氛使然，妝容自然變得濃重，不過太重手的話，看上去會顯得老氣，要取得平衡，Elly示範的柔和Smokey Eyes就最適合不過。她教路：「新手容易將雙眼畫成兩個半圓形，緊記化Smokey Eyes的大原則，是由淺至深，由下至上，尤其邊緣位置要均勻Blend鬆。不慎失手塗過界或太深色的話，可用銀色或白色眼影當塗改液一樣塗抹在有需要的地方。」Elly又提議用上假睫毛，眨眼間更顯迷人魅力：「別忘了要在顴骨、鼻樑和眼袋位塗上光影粉，突出深邃的眼部輪廓，同時可遮掩黑眼圈呢！」

首間化妝教室

備受日本樂壇天后濱崎步御用化妝師極力推介的日本人氣化妝品牌Canmake，過去只在連鎖藥妝店或百貨公司專櫃有售，日前來港開設全球首間化妝教室，更邀得星級化妝師Elly Wong為導師。課程費用可全數換購品牌化妝品，變相免費學化妝，十分超值。