得閒圍脖

得閒圍脖

Seine Seine:

香港700幾萬人,搵個識飲識食識講的飲食節目主持人,係咪咁難?日頭在報紙雜誌睇唔夠咩?放工開電視,又見到佢,集集都有靚車靚模圍拱,得罪講句,請埋環球小姐着三點式出場,節目內容都係慘不忍睹。我知電視圈講人脈上位(哪個行業不是?)但務請電視台幕後人員及高層,可否顧及無能力負擔收費電視的觀眾感受,製作一些飲食以外的高質素節目,別再用美食及美女,麻醉觀眾已死了八成的感官。

Kay:

雖然身為旅遊版記者,但原來連自己居住的香港還有很多地方未去過。這幾個月來常要做本地遊,發現不少郊遊好地方,好像塔門、東澳古道、鹽田梓、白腊及萬宜水庫東壩等,風景靚到做完嘢都要同朋友去多次玩,平時放假去呼吸新鮮空氣,見多些綠色風景,真係人都開心啲!

Chiu:

三字出頭的我,其實心底裏很喜歡黃日華,從《義不容情》的有情有義好大佬丁有健,到《馬場大亨》唔怕輸、樂觀得過分的李大有,我都睇得勁投入有共鳴。這10多年華哥一直處於半退休狀態,只間唔中在電影中作演出,今趟復出孭重飛拍《刑警》,雖然未見最佳狀態,但感情分搭夠下,我還是很高興他的回歸。