煲劇王GE603畫面一按變靚

on.cc 東方互動主頁

雖然依家唔少筆記簿電腦嘅機能，都足夠應付高清影片播放嘅需要，不過屏幕質素就認真麻麻，唔係尺寸太細睇得辛苦，就係亮度不足或反光情況嚴重，搞到煲劇享受大打折扣。唔想咁樣？就不妨考慮下MSI呢部中階16吋Notebook GE603啦，配備16:9高清LED屏幕以及Cinema Pro播放模式，就算拎出街睇片，一樣又清又靚。

Turbo Boost自動調速

除咗外觀充滿科技感外，GE603仲好有內涵，完全能做到內外兼備。先睇GE603嘅賣相，無論機殼以至手墊位都係用鋼琴光面焗漆設計，配上銀邊波浪幼紋，機身線條美出晒嚟，而且鍵盤手枕位仲有漸變色效果，比起同級產品嘅淨色設計，感覺Cyber得多！另外，GE603更於鍵盤上方，設置咗一排冷光觸控Hotkey，用嚟調校聲音同切換電影模式等工作，使用時仲會亮起藍光，超有氣氛！至於內置嘅GeForce 425M顯示卡，支援DirectX 11標準，玩《街霸4》等動作遊戲時畫面絕冇遲緩，加上採用嘅Core i5四核心處理器具備Turbo Boost技術，識得調節速度，配合埋MSI ECO節能技術，識得依照工作需要來改變效能，咁就唔怕資源錯配啦。

Cinema Pro 提升細膩

叫得佢做煲劇王，GE603嘅聲畫表現當然有番咁上下。首先鍵盤左右方分別安裝了兩個劇院級喇叭，而且機底更內置了一個Sub-woofer，同級產品中少見，無論打機定睇戲，臨場感及低音表現都咁一流！另外，GE603配備了一個16吋16:9 LED顯示屏，解像度達1,366×768的高清級數，不過最煞食都係佢個Cinema Pro功能，只要一按呢個Hotkey，便會即時進入電影模式，螢幕的亮度和細緻度都有明顯提升，色彩變得更豐富，唔理係睇720p定1,080p高清影片，都同樣流暢清晰。