遮瑕修復CC Protect Cream

BB Cream大家平日聽得多，最近新出一種名為CC Protect Cream的新產品，有啥特別？難道比BB Cream更先進？這款由日本皮膚醫學專業品牌Doctor Kits推出的新產品，將皮膚修復科技融入化妝品，不但能即時修飾及均勻調節膚色，更能於皮膚細胞層面進行修復，加速皮膚再生。試過薄薄塗一層，當CC Protect Cream接觸肌膚後，便迅速溶化，質感柔滑貼薄，最重要是可消除色斑、疤痕、皺紋等瑕疵，用後肌膚色澤亮麗自然，值得推介。

查詢：2299 3381

Irene讚好

緊緻滋養蜂皇漿晚霜

相信用過Apivita的朋友仔，都會和我一樣愛上它，今趟要推介的便是新鮮滾熱辣的蜂皇漿滋養系列Queen Bee，好處包括：1.用有機蜂皇漿及蜂蜜，確保肌膚不會吸收有害的防腐劑及有毒物料。2.柔滑的質地一推即軟化，迅速被皮膚吸收。3.用後肌膚夠滋潤之餘，還有剔透光澤感。即使屬混合性肌膚的我，也不覺蜂皇漿和蜂蜜成分會帶出黏立感，卻能徹底潤澤乾燥臉頰。夜間是細胞更生和膠原再生的黃金時間，蜂皇緊緻滋養晚霜就能深入滲透肌膚底層，在你睡眠的時候為肌膚提供源源不絕的水分；翌日起來膚色變得明亮，肌膚望落潤滑，簡直是我今季的至愛！

查詢：2118 0070

Kiki讚好

大熱駱駝色斗篷

還未到極寒冷的天氣，仲未係時候着大褸，但又怕一早一晚有點涼意、容易冷親的話，選擇穿着斗篷是明智之舉，用作披披搭搭擋吓風，可以說是一流。今季，於Zara貨架上發現一款絨料長身斗篷，有黑及駱駝色以供選擇，望落去似足歐洲大牌子貨色，定價$1,299都算合理，最後忍唔住買齊兩個色襯吓衫。

查詢：2234 7305

Candy讚好

Diesel × Uffie貼身高腰牛

踏入12月，友人之間開口埋口都講緊開Party同Re-union，十個有九個都買Party Dress，計我話梗係型啲着褲先夠突出。日前終於正式上架的Diesel × Uffie聯乘系列就係筆者的心水之選！一來這個電子音樂女歌手Uffie自小在香港長大，才不過23歲，已經歷結婚離婚兼生埋女，背景夠晒爆；二來今次Diesel乘着Uffie的個人專輯《Sex Dreams and Denim Jeans》極速走紅之勢，合作推出12件單品，每款均限量發售，珍藏度極高！當中的緞面捲腳貼身Hi-Vy牛仔褲就最深得我心，穿上身Slim得來又不太窄，高腰設計連肚腩仔都收埋，襯番件短身Biker同鮮色High Heels，即時Uffie上身，又Cool又型！

查詢：2117 0417

Moe讚好

花花公子安全戰Tee

我喜歡幽默的設計，不論那設計的實用性，只要笑得出又唔貴，9成我都會買。CLOT係一個幾識搞笑的單位，最近聯同Playboy Condom出Tee，胸口印有由Logo組成「Play Safe」的口號，更風趣地在Tee內加上一個放Condom的暗格，買三盒Condom加$380就可換購，一邊叫你玩，一方面又叫你負責任，平安夜送給好友效果更佳，一定笑死。

查詢：2881 0173

Jun讚好

3-D Flower Mesh Jumper

American Apparel的設計通常都是Basic Items為主，好少有好多細節的花巧設計。幾個月前上AA網站，竟發現品牌推出一系列Lace服飾，其中這件3-D Flower Mesh Jumper令我一見鍾情，不過隔山買牛又唔肯定實物係點，最終都沒有訂到。直到之前去北京AA專門店見到真身，不得了！實在係太靚啦！雖然比美國貴成三百蚊，但都忍唔住即刻買了。唔止我覺得靚，返來香港着去Event，人見人讚，非常開心，所以絕對係今期讚好。

網址：http://www.americanapparel.net

Sanna讚好