懷舊入「室」
潮流興Vintage，但並非件件都合心水，所謂千金難買心頭好，只要是對味的東西，即使沒有上百年歷史，亦非件件名牌，同樣能令你着迷。古董家品店「Room」的店主，將自己至愛的古舊梳妝枱、打字機等收藏品，統統帶入「房間」內，公諸同好。
店如其名，Room的設計似足60、70年代中產樓房，內有家品、電器、飾物，亦有擺設小玩意，麻雀雖小但五臟俱全。單是18呎高的樓底，已引起無限集體回憶。店主自言是個瘋狂古董迷，一直有周遊列國、收藏古董精品的習慣，開店純粹想把心頭好公諸同好，寓工作於娛樂，叫人好不羨慕。
保持功能良好
此店有別於一般歐洲高貴名店，或者嚤囉街尋寶式店舖，採取的是精品攻勢。店主期望客人不止把貨品當作擺設，而是帶回家好好使用，因此店內的古舊時鐘、電話、風筒等都仍操作正常。店主強調貨品只會賣給懂得欣賞它們的人。所以，下次在Room見到喜愛貨品，立場要堅定，態度要誠懇喇！
查詢：2818 8960
皇室靚梳
有謂：「工欲善其事，必先利其器」，擁有一把秀髮，就梗係要梳番個靚頭，最憎披頭散發！好姊妹Amy介紹咗Alexandre Zouari髮梳系列畀我，聽講好多歐洲皇室、名人都用佢o架！
Amy話髮梳有好多型號，由梳理秀髮、按摩頭皮、護理髮質、吹頭以至特別造型效果，都可以全面配合！整個髮梳系列之中，以純豬鬃毛梳最備受歐洲皇室及名人紅星推崇，名副其實係王牌產品。你諗吓，用到最矜貴柔軟嘅純豬鬃毛同上等花梨木精製嘅梳喎，而且每把梳都係「Made in Europe」，由擁有多年經驗嘅工匠師以人手製造，幾咁矜貴！話時話，威廉王子梗係冇用佢啦，廿幾歲仔就河童上身，哎！
店內貨品多元化，令人花多眼亂。
小閣樓是店主的工作室，同時亦收藏非賣品。
昔日電機
60年代意大利座桌風扇 $8,800
70年代波蘭橙色電話，潮人至Buy！$5,500
日本80年代便攜式播放機，當年最Hit的野餐良伴，近年不時見網上熱炒，又或有復刻之作出現，但點及原汁原味！。$2,800
50年代勝家牌打字機 非賣品
North West Airline紀念皮篋 非賣品
60年代菲利浦收音膽機，有別於原子粒機，需要時間Warm Up方能運作，絕對高音甜、低音勁。$3,998
New Old Stock
Ernest Borel Cocktail Watch，錶面的花紋會旋轉，形成萬花筒效果，十分精緻。$9,900/枚
50年代Westend上鏈手錶，美國品牌、瑞士錶玉，正貨。$8,500-$8,800/枚
We Love HK日曆鉛筆刨，連包裝都是全新的，係咪好想要番個！$598/件
小木偶及米奇老鼠造型扯線人偶。 $1,300