得閒圍脖

Moe：

家陣啲小朋友萬千寵愛在一身，着衫同大人一樣講究，難怪愈來愈多名牌加推童裝系列，食正富貴家長呢條水。上年與GAP合作推出童裝的Stella McCartney，食髓知味，今個月終於正式推出首個自家童裝系列，除了男女裝之外，更有Unisex款式，適合0至12歲的小朋友穿着，定價由三百幾蚊起，名牌中算係價錢相宜。據公關所言，香港開售當日，不少款式即日便斷貨，潮媽紛紛加入Pre-Order List行列，有買趁早！

Kiki：

Muji近年定期都會有題材新穎又有趣的短期展覽，剛收到PR的E-mail通知，海港城Atelier Muji有一個Lego × Muji展覽，單看電郵內充滿童真的圖案，已好有衝動去睇，加上展覽不只是Lego的堆砌，還有剪紙技巧的配搭，呈現不同立體觸感的藝術裝置。最特別的是Muji於12月中會推出三款Lego × Muji Box Set，可讓你在家中自由發揮創意。我相信讓我約好三五知己一齊去睇展覽之時，也是那三個Box Set上架之日，到時可一次過滿足我兩個願望！

Sanna：

上星期應新加坡Marina Bay Sands酒店邀請，到當地採訪Chanel Cruise Line Fashion Show。早已聽聞這間酒店60層高的空中花園同泳池有幾靚幾震撼，去到現場參觀，確實係極之震撼同犀利，尤其入夜後我走到泳池旁看見泳池加新加坡夜景的畫面，真係靚到不得了。但係，點解，點解我今次咁失策，竟然冇帶泳衣！唉！