得閒圍脖

波仔：

今個星期啱啱有班台灣朋友來香港演出，地點又咁啱喺我細個住開嘅沙田，為求快靚正就帶咗佢哋去龍華酒家洗塵。其實住咗咁耐都無去過龍華，今次我同朋友都係第一次食。初時喺網上趴文話服務唔係好得，好在最近改善咗，而且碟碟都用料十足，夥計仲推介咗個滋補嘅竹笙鴿子蛋，朋友食完都讚好！

Vincent：

相信各位PSP機主一定有玩過《芒亨2》，嚟緊12月1日就正式推出新一輯《芒亨3》PSP版，睇嚟麥記嘅屠龍團又會再次聚集喇！小記對呢隻Capcom大作固然期待，可惜自從《Winning Eleven 2010》爆機之後，部PSP都封咗塵差唔多大半年，前排拎番出嚟竟然神神哋，唔通要為《芒亨3》換部連影都冇埋嘅PSP go？

Alfred：

小記身處圍城，本是個同胞之城，也是個悲情之城，但係冇諗過咁嘅環境都可以變做炒家之城。小記本身有少少積蓄，但係估唔到呢度啲樓可以貴成咁，自己點儲都追唔到首期。呢期政府連番出招，想打擊班炒家，本來係好事，但係小記覺得除非外圍市況轉差，否則樓價都冇乜可能大跌！算啦，我都係疊埋心水住蝸居罷啦！