百年廚具Young入屋
百年日本廚具老舖變身潮店，以後叻太就可以一站式買齊一日三餐嘅刀具、家品，變身廚神！
專賣生活品味用品的Homesquare，最近又加入咗一位新成員，就係响日本有過百年歷史嘅「Kai Shop」。此刀具品牌响1908年成立，多年前响本地百貨公司已經有得賣，不過今次係首次正式開店，各位姊妹們又多一個一站式買廚具、家品嘅地方。除咗自家高級品牌系列「旬」外，店舖仲引入一整系列的德國廚具品牌WMF、矽膠品牌Chef'n家品及酒具用品等，另外仲有日本製造嘅專業美容小工具！大家可以買齊早餐、午餐到晚餐所用嘅廚具，仲可以享受生活，同自己扮吓靚靚！
品牌雖然是日本百年老店，第一次响香港開專門店，就大玩時尚風格，店內特設工作枱，等大家可以試刀！
8:00am 西式早餐
朝早瞓醒，最好食牛油麵包做早餐，買番個耐用嘅牛油盛器就最啱嘞！
3:00pm 下午茶
間唔中嚟個中式下午茶都幾好，買啲一盅兩件返屋企。
7:00pm 晚飯
要煮好餸畀老公嘆，最緊要有套靚刀具，而餐具亦要靚一靚，咁先凸顯我嘅品味嘛！
9:00pm 餐後美酒兼扮靚
食完飯最好係同老公嗒番兩杯，順便响臨瞓前扮吓靚！
家庭主婦 磨刀霍霍
家庭主婦的成就，建基於一把菜刀上，所以當然要好好保養啦！响店舖買「旬」系列刀具，刀具用得耐，可以加$60畀專人幫你磨刀！另外，想自己動手都好簡單：
1. 將磨刀石浸在水中約5分鐘，等磨刀石完全濕透，放响濕布上，然後以45度角放响磨刀石上。
2. 按着刀鋒，提起刀背。
3. 刀向前磨時，稍為用力；向後磨時就放鬆。
4. 來回數次後，轉往另一面再磨，記緊過程中磨刀石的水會變得混濁，但唔好洗去，因為咁樣有助磨利刀鋒㗎！
查詢︰2634 0331
a.德國品牌WMF不銹鋼生果盤 $1,500b.日本高級刀具品牌「旬」刀具 $1,120c.紅酒玻璃盛器 $900
店內貨品分門別類擺放，令人一目了然，揀都揀得方便啲。
不銹鋼牛油盛器由日本料理研究家井上繪美設計，牛油係經常「出入」雪櫃的食物，容易變壞，故以不銹鋼製造嘅底盤盛載，就可以確保牛油離開雪櫃後，仍保持冷藏溫度。$860
日本人食小籠包相當講究，右邊係專放置小籠包嘅盛器，就算唔小心拮穿咗包身，都可以將湯汁一飲而盡，日式一盅兩件真厲害！陶瓷茶具 $430/對小籠包盛器$299/1套共5件
品牌Chef'n雖然於大型百貨公司有售，由矽膠鑊、清潔用具都有，但呢度嘅款式更齊全，造型搞鬼又趣致。矽膠蒸盤(下) $170/件、黑胡椒瓶 $98/件
藝術刀架
木質刀架內係磁石，刀具一插即黐實，神奇巧妙！$4,200
高級刀具「旬」由超級鋼製造，刀身的花紋可減低切食物時的張力，切食物就更Easy。$750至$2,750
型格刀架
法國品牌Michel BRAS黑白色西餐刀架，兩刀架可分開或擺埋一齊，插放7把大小不同型號刀具 。$9,700
Michel BRAS刀具於日本製造，以128層不銹鋼逐層製造，外邊更由鈦金屬包圍，高級百貨店都有得賣。$3,000
一套5件調酒套裝，除酒Shaker調校雞尾酒外，亦有冰夾、小量杯等，在家也可以調出美味雞尾酒！ $1,980/套
日本製造Mimuno專業美容工具，貴在不銹鋼水靚，絕對鋒利，以後自行修甲都掂！ 指甲鉗 $880、 指甲銼 $480