入廚花心思 乳酸菌甜品小朋友最Buy

不良的飲食習慣，像多肉少菜、少食水果、飲水不足等，都會令小朋友出現腸道問題：便秘及腹瀉，想他們不再揀飲擇食，營養均衡，健諾營養中心營養顧問李正雅（Angela）就教家長們花心思烹調，將清淡蔬果變得色香味俱全，甚至加點創意，將活性乳酸菌炮製甜品，直接增強仔女的腸道健康。

纖維不足易便秘

若問煎雞翼、炒菜邊樣吸引？相信大部分小朋友都會揀雞翼。Angela表示：「蔬菜水果味道清淡，肉類煎香後咁好食，小朋友會揀飲擇食都唔出奇。多肉少菜係其中一個不良的飲食習慣，另外，水果像橙、杧果及士多啤梨等帶酸味，亦令他們抗拒進食，還有就是飲水不足，欠缺運動等。」原來，當纖維素攝取不足，小朋友便會容易出現便秘，據Angela所講，要營養均衡，小朋友應每天進食1大碗熟蔬菜，及2個水果，而為攝取多些纖維，她指小朋友亦可進食紅米，建議按1:9比例混合紅米及白米，煮出營養健康，咀嚼時亦較容易。

活性乳酸菌促健康

不過，當攝取大量纖維後，小朋友記得要多飲水，避免它在腸道囤積發酵，引起不適，甚至出現口氣、胃氣及放屁等，有充足水分才可推動腸道蠕動。Angela指出，若想改善小朋友的便秘及腹瀉情況，需增加腸道的好細菌，平衡當中好壞細菌的比例，以及幫助消化，便需要多吸取活性乳酸菌的食物，例如每天1支乳酸菌飲品或1杯乳酪，這樣可直接為腸胃補充養分。

即使知道應攝取的營養分量，如何吸引小朋友才是問題。擅長烹調的Angela便說：「家長們不妨用心煮出美食，令賣相、味道更吸引，從而幫助小朋友不再偏食，試將蔬菜切成細粒，甚至用來煮醬汁，或將他們喜愛的及不喜愛的食物一齊煮，進食時會較容易吸收營養。活性乳酸菌飲品除淨飲外，還可炮製不同美食，例如混合麥片飲用，味道酸甜開胃，甚至是南瓜布甸，也可用上活性乳酸菌、蒟蒻粉及水做材料，雪凍即食，加點南瓜醬很美味，無形中令小朋友攝取更多營養。」

場地提供：健諾營養中心