旺角最新雞蛋仔專家
路經旺角，小記總愛到登打士街篤串牛丸，飲杯仙草奶凍。前幾日又去搵食，遠遠見到一群人，以為那間台飲店又大排長龍，行埋去睇真啲先發現人龍其實來自一間招牌非常Sharp醒的新舖「雞蛋仔專門店」。
勝在夠「專」
跟一般雞蛋仔檔相比，這裏出的品質勝在夠「專」。老闆之一Ken說:「我們的雞蛋仔即叫即做，做好後十分鐘內仍賣唔出的便會扔掉，保證新鮮。至於口味是我和拍檔文哥一齊研究出來的，款款真材實料，又有創意。」Ken還說雞蛋仔是香港一種歷史悠久的地道小食，大小朋友都歡喜。
向1,000底進發
這裏暫時提供原味、朱古力、肉鬆、香芋和芝士5種口味。現場所見，芝士味最受歡迎，味香又足料。據說店子開業約一星期左右，已平均每日賣出400底雞蛋仔，但原來有賣雞蛋仔經驗的文哥，以前曾創下日賣900底的神話，而他亦有信心能夠再闖高峰，以日賣1,000底為目標，而店子遲些還會供應現製粟米汁，讓客人可以邊飲邊食，夠晒周到！
查詢：5100 9344
芝士味雞蛋仔 $18
外脆內軟的芝士味雞蛋仔，內裏滿是溶化了的芝士漿，食落非常「芝」味，小記強烈推介。
我鍾意朱古力味，裏面有朱古力碎o架！芝士味最正，好Rich，好多Cheese！
特別設置的風機，用來將雞蛋仔稍為冷卻，店主話咁樣食落脆口啲，夠晒細心！
芋頭味雞蛋仔 $13
紫色的雞蛋仔底部，有粒粒芋頭，一口咬下，淡淡芋頭香混合蛋味，不太甜，味道好夾。
朱古力味雞蛋仔 $13
朱古力碎分布在雞蛋仔內，味道亦比在坊間吃到的濃郁，是朱古力迷的必吃Item。
專門店的雞蛋仔不是以人造香精來帶出味道，而是將新鮮原材料加入雞蛋仔內，口感和味道比坊間的更豐富。
肉鬆味雞蛋仔 $13
外面比較少有的款式，鹹鹹的肉鬆夥拍雞蛋仔，口感和味道都很新穎，不妨一試。