車嘅冷卻系統責任重大，為各部分降溫，以維持正常嘅工作溫度，所以車主要經常檢查水箱及溫度錶，確保系統運作正常。好似日常行車，就要注意溫度錶，一般情況下，溫度高於95℃就唔好再開車，盡快搵個安全位置，熄引擎泊埋一邊。除此之外，每行駛8,000至10,000km，就要檢查水箱及後備水箱，定期更換水箱水，以及注入具有防銹功能嘅冷卻液，達致更佳嘅冷卻效果。
記住定時添加水箱水，以免引擎發燒呀！
