新版Ovi Store本地Apps 齊料

最近iPhone 4氣勢開始回落，反而通街任人試玩嘅Nokia N8就愈來愈多人用，究其原因，除因為1,200萬像素鏡頭影相夠靚外，跟機而來的新版Ovi Store仲有大把本地Apps玩，無論閣下想睇新聞天氣，或搵車搵樓佢都幫到你；追星族更可下載最新人氣鈴聲及遊戲，啱晒貪新鮮又冇時停嘅香港人！

《ontv東方電視》 緊貼時事：下載費用︰免費

好多人搭車時都會上網睇新聞，不過文字又點及短片傳神，當中《ontv東方電視》便是最佳選擇。它是東方報業集團24小時免費網上電視，全天候製作第一手新聞、財經、娛樂、生活、評論等節目及短片，讓用戶時刻緊貼香港時事。程式更內置分享功能，可直接把短片連結掟上Facebook，朋友睇完自然大把話題！

《GoHome》 隨時搵樓：下載費用︰免費’

最近樓市升至瘋狂水平，短短半日隨時變動數個價位，唔想買貴樓又想緊貼樓市？《GoHome》幫到你。《GoHome》是專為工作繁忙的香港人而設的房產搜尋程式，既提供本地第一手名牌屋苑的市場走勢及價格動向，還有齊各大屋苑及最新樓盤的成交資料。用戶透過搜索功能就能搵到心水靚樓，睇啱價仲可立刻落Call，方便！

《香港天氣》 7天預報：下載費用︰免費

踏入11月，氣溫下降了不少，不想突然凍親，就要時刻留意天氣消息。《香港天氣》由香港天文台提供，資料有參考價值之餘，內容仲相當廣泛，包括︰7天天氣預報、分區天氣、空氣污染指數、紫外線強度及天氣照片等。程式更提供「穿著建議」功能，會依據天氣向用戶推介合適外出衣物，相當細心。

《香港第一車網》車天車地：下載費用︰免費

Ovi Store內不乏賽車遊戲，但車迷打機打得多總會厭，還是汽車資訊更貼合他們需要。這款《香港第一車網》便好比車迷聖經，除了提供本地及外國新車簡介外，還有編輯們的試車心得及短片，用戶一按連結便可串流觀看，比文字版立體得多。而為照顧搵食車，程式還轉載了運輸署新聞，交通狀況一看便知曉！

《新浪微博》關注明星

依家中港台明星都玩新浪微博，大小事情都分享一餐，粉絲們真係要有手機版方能緊貼星蹤。而繼iPhone後，新浪微博亦終於登陸Symbian S60平台，一如網頁版般可以發帖及回覆外，並可以「關注」名人明星，對方一發帖即會在閣下首頁自動更新，方便第一時間「搶梳化」！

藝人主題 免費鈴聲：下載費用︰免費

除了微博，Ovi Store用戶還可將偶像帶喺身邊，講緊嘅係一眾本地藝人歌手嘅手機主題及鈴聲。最新內容有天后容祖兒的布景主題，以及《空港》及《星圖》等手機鈴聲。除此之外，楊千嬅、陳偉霆、鍾欣桐、泳兒及海鳴威等手機內容亦已經登陸Ovi Store，稍後還會有各大明星的觸控遊戲下載，等粉絲邊打機邊睇靚相。