你今日關注咗未?

Alfred：

朝朝起身梗會開Facebook玩番陣，除咗留吓言、開吓Post、讚吓好之外，就一定會玩《Happy Farm》。不過聽講Facebook上面呢啲免費Game，有機會將玩家嘅用戶資料傳送畀第三者！早前更被美國《華爾街日報》揭發真有其事，雖然Facebook死賴係技術出錯，但係咁樣我嘅私隱咪已經不再「私人」！？睇嚟當年讀書時Econ. Miss冇講錯，呢個世界係冇Free Luncho架！

cHLoe：

夜晚一個人在路上，望見街上的路燈與交錯的樹枝互相輝映，頓覺秋天終於來到，令多愁善感的我更覺孤獨。秋風吹過我走過的路，提醒我正活在這個世界，每日重複地生活着，每日都被規律地出現的事情所包圍，正如友人所說，「生活」本身就是重複，「生」與「活」從來都是在不斷循環。

Vincent：

智能手機大戰如火如荼，近年一直玩獨行獨斷嘅Steve Jobs日前更語出驚人，一嚟就先踩Android開放式平台規格同產品好混亂，再踩Nokia出50美元平價智能手機功能唔慌好，最後仲話Blackberry銷量以後都追唔到iPhone，真係寸爆！不過依家各大手機商都瞄住iPhone弱點嚟打，加上主要對手Android陣營人氣急升，唔通連一向自負嘅SJ都驚到要出口術先發制人？