《星戰》構思來自黑澤明
《星戰》構思來自黑澤明
《星戰》之父喬治．盧卡斯講過電影嘅構思，原來係源自已故名導演黑澤明執導喺1958年上映嘅《戰國英豪》，聽講連《星戰》片頭片尾嘅靈感都係由呢套日本電影變出嚟。《戰國英豪》係講日本戰國時代秋月家一位忠心武將真壁六郎太為咗復興主家，保護女公子雪姬，並利用貪錢嘅高矮農夫二人組，運送物資穿越敵陣到盟國嘅故事。故事中雪姬即係莉亞公主嘅原型；另外機械人C-3PO同R2-D2就係模仿呢對高矮農夫二人組喇！