你今日關注咗未?

Sanna：

近年成日孭Tote Bag出街，不過Tote Bag內沒有間隔、摷東西時非常麻煩。日本雜誌《SPUR》11月號就送了一個花花小袋，初時以為又係甚麼食飯袋仔，所以擺埋一邊，到後來再睇清楚原來是一個「Bag In Bag」，即是小袋設有勁多格方便擺銀包電話等不同小物，再將之放入大手袋中，摷東西時好方便。這幾天我都在Tote Bag內放此小袋，值得推介。

Moe：

日前在友人的生日會上，壽星女A就收到一個黑色禮盒，內藏禮物卡一張，眾人正狐疑是甚麼之際，送禮人即時解話：「這是Ta Da！新出的禮物卡，佢本身就有6個主題—Zen、Life、Delicious、Excite、Escape和Ultimate，每個主題都有不同的驚喜體驗，讓收禮人自行選擇，好似話做Spa、玩Yoga、整蛋糕、歷奇冒險等等，當然都要睇吓送禮人買咗幾大面值啦！」咁有彈性，啱晒我呢啲無心肝人士用嚟送禮，有興趣者不妨到www.tada.net睇睇！

Kiki：

話說聽到身邊不少朋友的囝囝都是Thomas火車的狂迷，腦海即時湧現十萬個為甚麼？為甚麼現今的小朋友都愛Thomas，究竟它有何吸引力？就算我不忿氣地看過VCD動畫，依舊不明所以。我的小姪仔梓宏今年快將四歲，他自懂事起便瘋狂愛上此火車頭，Thomas的其他朋友仔如Emily、James、Edward等等，名字、顏色他都可口若懸河地道出，沒有一次讀錯或認錯。最近發覺他戀Thomas的程度隨年紀漸增，每逢出街也「扭」買不同款式的車仔，頓時深信養一個小朋友唔止400萬！