你今日關注咗未？

Gilbert：

近排智能手機市場好鬼熱鬧，Android、BlackBerry、iOS及Symbian各自各精彩，一時之間，大家都忘記了Windows Phone曾經存在過。上星期佢終於發力，正式向外發表全新Windows Phone 7系統，歐洲及亞洲更快至下周四就推出。雖然觀乎外國科技網站，對新OS仍然係彈多過讚，但據聞見街當日會有9部新機列陣，分別來自Dell、HTC、LG及Samsung幾間大廠，先唔講好用與否，但論氣勢，佢今次就贏番鋪喇！

marcovaldo：

電視新聞報道稱，有一位原是護士的英國女子，突然患上罕有的失憶症，嚴重到連自己都忘記，只有靠掛在頸上的Microsoft SenseCam幫佢記憶：每30秒或轉換新環境時自動拍低相片，該名女士就靠重溫這些相片「記下」身邊嘅人同事物。科技可以令人「重拾」失去的記憶，但有辦法可以除去某些記憶嗎？記得多年前看過電影《Eternal Sunshine of the Spotless Mind》，如果戲中的技術是真有其事，又有多少人願意嘗試呢？

貓科：

最近TDK就展出容量高達1TB的新規格藍光碟，現時市場流行的藍光碟，可因應容量而分為3層100GB及4層128GB，而TDK就利用新技術及物料，將藍光碟層數提升至16層，單面容量達512GB，雙面容量則達1,024GB（1TB），透光率仍可保持到72.6%，更難得的是利用傳統藍光碟製造機便能生產這款1TB藍光碟，對於加快普及有很大幫助。