LG 3D家庭影院組合全家都啱玩

on.cc 東方互動主頁

就算係一家人，每個家庭成員對於影音娛樂嘅要求都唔同：阿爸要睇3D BD影碟，阿媽想煲DVD連續劇，阿哥又想插iPod聽歌，唔通要買幾套影音器材先搞得掂？咁又唔使，LG新出咗一套機身全黑嘅5.1聲道3D家庭影院組合HX995TZW，支援到3D BD電影播放，兼可連接電腦開啟多媒體檔案，即時滿足晒全家人嘅願望！

今時今日買家庭影院組合，點都要買套播放到3D BD影碟嘅產品，即使現時3D BD影碟數量唔多，但始終家庭影院組合好少會更換，為將來作好準備，點都值得投資。

無線5.1聲道阿爸讚好

到底LG這部HX995TZW 5.1聲道家庭影院組合夠用嗎？其實取決於家居環境同埋預算多少，一般情況下5.1聲道已好夠用，可以營造出好強嘅包圍感。整套HX995TZW 5.1聲道3D藍光家庭影院組合由主系統、一對前置喇叭、一對無線後置喇叭、一個中置喇叭跟重低音喇叭組成，後置喇叭可接上接收器跟主系統無線連接，免除拉線嘅麻煩，阿爸要打造皇帝位就更方便。

DVD變高清媽媽盡興

HX995TZW機身採用全黑設計，中間部分用上點陣式LED顯示屏，感覺都幾有型；而機身邊緣位置更加入透明玻璃，設計上跟用上Borderless概念的Infinia系列高清電視一脈相承。HX995TXZ可全面支援到3D及現有的2D藍光影碟，就算播放DVD影碟時，都可透過內置的全高清1,080p技術將DVD的標清影像，提升至高清輸出，阿媽追睇DVD連續劇時都可以享受到更細緻嘅畫質，睇得更投入。

這套家庭影院還支援BD Profile 2.0同Gracenote，可以透過網絡收睇到BD影碟嘅額外內容，以及獲得音樂CD的詳細資料；亦可透過DLNA同CIFS網絡多媒體技術，連接電腦及其他數碼產品，共享多媒體檔案，或者上網觀看YouTube及NetCast內容。

兼插iPod播歌最啱阿哥

HX995TZW音效表現相當有水準，支援Dolby TrueHD、Dolby Digital Plus同DTS-HD MA Essential等音效技術，而且可以簡單地使用內置的LG Sound Gallery音場模式功能來調校不同效果，相當方便。整套家庭影院組合總輸出高達1,100W，睇碟時臨場感十足。除咗睇碟、聽CD外，跟機仲送埋外置iPod底座，可以為iPhone或iPod充電之餘，亦能夠播埋歌，阿哥實鍾意。

買72吋LEX9S送家庭影院組合

今次LG仲特別為新出嘅全球最大72吋3D電視LEX9S大搞Promotion，買電視機仲會送埋HX995TZW家庭影院組合、四副3D眼鏡同Fujifilm FinePix REAL 3D W3數碼相機，成家人都有得睇有得玩。不過開價$148,000，計埋附送嘅萬多二萬元禮都唔平，但據聞都已收到部分定單。