撐!陰力炒麵 條條夠味

「民以食為天」，只要有好嘢食，莫講話普羅大眾，就連天王天后都鍾意。不少食肆向來是星級飯堂，像富瑤酒家，自70年代在尖沙咀開業，憑幾道招牌菜，如生拆泥鯭粥、豉油王炒麵、薑葱鮑魚煲等，吸引到小鳳姐、汪阿姐及譚校長等巨星幫襯，至今日的銅鑼灣分店，亦一樣星光熠熠，經常座無虛席。

講到星級，若以為一粒星、兩粒星才算身份象徵，翻查資料所得，像富瑤這個舉行演唱會、劇集及頒獎禮慶功宴的熱門場地，一夜間已是巨星如雲，還未計在座的名流紳士、達官貴人，吸引力非凡。明查暗訪下，相信酒家的環境及食物，是箇中的成功因素。

位置好　旺中帶靜

兩間店雖然都身處旺區，但卻不在大街大巷，方便就腳之餘，卻又帶點私隱。據說尖沙咀店更有個花名叫「三角公廁」，因酒家所在的柯士甸路並不好找，但因在公廁對面，坐的士只要一提起「三角公廁」，司機就會走到富瑤。至於銅鑼灣店，特別在它有像大宅門的氣派，到處是典雅布置，像彩色玻璃窗、雕刻木門及擺設等，環境舒適，還設貴賓房讓眾星有更多私人空間。

招牌菜　心機炮製

以為做星級食府很難？其實只要有好師傅，肯用靚料，兼花心機時間便成，就像教你想成功要勤力一樣，問題只在於肯不肯付出。這方面，富瑤很落本，食材唔靚唔用，像比大連鮑矜貴的南非鮮鮑、用九龍醬園老抽王炒麵煎蝦、即拆新鮮膏蟹煮翅，師傅更會用差不多半日時間準備燒豬，像這樣結合心機時間，實在沒有唔好食的理由。以下的招牌美食幾乎逢星必點，品嘗時更會不分晝夜。

極花工夫的佳餚，單是為乳豬上醬、烘焙及風乾，已用上約半日時間，慢慢燒好後，更要第一時間趁熱將原塊豬皮起出來，片走肥膏，上枱時先食脆如薯片的豬皮，然後侍應會將乳豬堂弄剪開，細嘗豬腳、豬手及豬肋骨。

銀絲麵由師傅慢慢用筷子炒，每條沾滿九龍醬園老抽王的香味，碟底更是滴油不沾。綿綿靚粥則由天天運到的泥鯭新鮮拆肉，混合果皮絲煲煮。這個超級組合味道清淡，啱晒經常要保持Fit爆身形的草蜢、祖兒食。

用8個鐘熬成的上湯，混合新鮮膏蟹即拆的蟹黃，即成這美味極品，還配以軟滑的牙揀翅，非常足料。若喜歡質感杰身的，酒家可幫食客增加翅的分量。

以為去了殼、大隻又彈牙的南非鮮鮑是主角？其實是伴碟的薑葱才對！以耐熱煲仔上枱，大量香氣湧出，薑葱盡吸鮑魚精華，淨食已經好滋味，難怪妹仔大過主人婆。

無油炒麵大起底

一般酒樓炒個豉油王麵好快，但富瑤酒家的招牌豉油王炒麵就比人家用多5至6倍時間炮製，只因師傅全程用一對筷子慢慢炒，令極幼細的銀絲麵受熱平均，唔會黏住兼條條有老抽王味道，食完碟底無油更係神奇！

嚴選鮮甜靚紅蟹，加入雞油及花雕炮製，馥郁芳香，碟底的蟹汁更是精華所在，識食的明星隊會將之配煎米粉、灼伊麵，一滴汁都要食清。

查詢：2836 9999