12.9mm AOC Razor 全世界最薄

香港地寸金尺土，唔好話電腦枱，有啲人屋企連飯枱都未必有位擺，至於可說是日常必需品嘅Desktop，主機同屏幕兩舊嘢都咁阻碇。幸好近排AOC出咗Razor系列嘅電腦屏幕，賣點就係全世界最薄嘅LED電腦芒，僅得12.9mm厚，仲可以掛埋牆，簡直慳位到爆。Razor系列除咗夠薄，還有齊黑、白兩色，簡約又型仔，絕對係睇得又用得！

配色有型 薄切機身

多得Apple，等大家知道原來電子產品得黑白兩色都可以好型。AOC Razor系列都係採用黑白配色，睇落簡約，食正潮流大勢。講起外形，一定要提Razor嘅超薄機身。Razor系列中文名就叫刀鋒，話佢好似「刀鋒」咁薄就誇張咗啲，不過實情Razor機身只得12.9mm厚，點擺都唔阻碇之餘，仲做埋全世界最薄嘅LED芒，夠晒威水！

高清睇片 摺起掛牆

當然，外形幾型都好，電腦芒最重要都係畫質，以Razor e2243Fw為例，對比度高達5,000萬分之一，畫面當然更有層次。另外，依家連網上短片都話要玩高清，所以Razor全系列都用上寬屏幕，而21.5吋以上的型號更支援全高清畫面，睇片當然冇問題。唯一可惜的是Razor系列未有HDMI端子，想駁電視遊戲機就無辦法喇。值得一提的是，Razor系列的機座可以向後摺起，畀用家作掛牆之用，而最特別要數機座表面嘅一排輕觸鍵，輕輕一掂就會發光，夠晒型仔！

查詢：3187 4111