你今日關注咗未?

Alfred：

Wii Party已經出咗幾個月，見啲人玩得咁過癮，自己都心郁郁想買番隻，但始終驚日文版睇唔明，結果冇買到。講起就算唔明日文都玩到嘅Wii遊戲，小記第一時間諗起《孖寶兄弟》，事關今個月21日會出一隻25周年紀念珍藏版，紅卜卜嘅盒面印上當年紅白機經典嘅8-bit點陣馬里奧，收錄咗4個經典紅白機時代孖寶遊戲、一張歷代孖寶遊戲配樂CD，仲有本孖寶大揭秘精美小冊子送添。

Vincent：

小記啱啱去完台北出席2010 HTC Party，今次HTC宣布推出先前已經喺倫敦公布咗嘅Desire HD。小記第一次親身試玩呢部最新嘅旗艦機，雖然Spec同個設計冇乜驚喜，不過部機嘅反應、流暢度都好掂，完全不負Desire之名！而印象最深刻一定要數Quick Boot功能，幾秒時間就可開着部機，快到好似唔使等。呢部機王大約11月就到香港，睇吓有冇機會成為新一代iPhone Killer啦！

cHLoe：

最近小記終於看畢《荒木經惟的天才寫真術》，他曾經提到創作需要以客觀的態度來分析專心陶醉的自己。自問還未去到大師所言的境界，拍攝時還是只顧陶醉眼前的景物，客觀的分析就留待後期處理吧！相片經過後期製作，才能表達到當時那種陶醉的感覺。光與影之間就如生活一樣，現實與理想同時存在才夠精彩，正如周星馳在戲中所言：「無夢想咪同條鹹魚一樣。」