終於告別身水身汗嘅夏天，一早一晚都秋意洋溢，亦係女人發揮購物天分嘅時候！首先要換嘅就係日日陪住我四圍去嘅手袋，呢排秋風寒意漸近，當然係揀番個暖笠笠嘅手袋啦！

最怕秋冬季嘅服飾清一色灰灰沉沉，一向用色大膽嘅Che Che New York今季推出好多「花喱碌」手袋，好似响絨布上印上花卉圖案，秋冬仍繼續花枝招展，再加上仿皮製嘅吊飾，更添美態。羊毛手袋都係秋冬之選，不過厚重嘅物料有時幾難Carry，Che Che就選用鑲有閃石嘅大蝴蝶結作賣點，可謂係派對必備Item。此外，夏天用藤籃，秋冬都要繼續做「藤織女王」，Che Che一系列新款編織手袋，質感同樣帶畀人溫暖感覺，顏色仲比夏日袋款更鮮艷，為灰灰沉沉嘅季節添上姿彩。同場仲有我至愛嘅品牌ans都出咗一系列秋季手袋，一如既往，設計簡約得嚟又夠斯文，無論你鍾意羊毛、絨布定係仿麖皮，總有一款啱你心水！

暖笠笠 紫色充滿女人味，加個蝴蝶結更見成熟，絨布Tote Bag，好有味道！$379（a）	綴滿寶石大蝴蝶結羊毛手袋，質料厚身，好Warm！ $1,380（b）	菱格絨布手袋，橙啡色調同秋天最夾。$1,780（b）
絨布立體花卉手袋 $1,050（b）	密密織 白色花花編織手袋 $1,650（b）	Che Che新作品，將尼龍物料以編織方法織成手袋，交疊出另類嘅視效及觸感。$1,680（b）
彩色橫間編織手袋 $1,880（b）

必備掛飾

唔少阿媽出街都鍾意帶埋個「大S」鈎，買到一袋二袋搭巴士時，就用嚟將啲袋掛响前面椅背，但係今日今時仲點可以帶「S」鈎出街咁老套？ans新推出嘅摺疊掛鈎，加入閃爍設計，收納方便，美觀實用。此外，新季掛袋吊飾亦見亮麗，好鍾意！

星形雪花吊飾，好有冬日浪漫Feel。$230（a）

拉出外圍嘅金屬圈，就可以用嚟掛袋，幾方便！$290至$360/件（a）

查詢：（a）2764 5787（b）2882 2979

Q版貓家品

老婆好鍾意貓，响佢影響下我都漸漸鍾意咗呢種動物，唔單止屋企有養貓，久不久我都會買啲貓精品氹老婆開心！最新發現係美國Fiddler's貓咪門栓，仿真度極高，真係一見就愛上，而且呢啲Q版「貓咪」既唔需要為佢哋預備兩餐，亦毋須收拾便溺，真係幾方便呀！

查詢：2836 6328

節能廚具好啱用

叻婆婆成日投訴屋企啲廚具唔耐用，咁啱早兩日經過家品店，見到廚藝達人李錦聯示範烹飪，原來係廚具品牌BONANZAR 35周年，推出咗限定版廚具，仲推廣健康烹調理念，希望大家做到少油、低鹽同環保節能嘅煮食新潮流。呢套鑄鋁系列用咗高品質橄欖木製手柄，有最新電磁感應科技，而最緊要係快速傳熱同防刮花塗層，可以更耐用又節省能源。我即場買咗套送畀阿媽，以後冇投訴啦！

查詢︰3656 8557