身為行街精，都有失落嘅時候，因為依家街舖大部分係連鎖式經營，設計雖然夠潮，奈何太過公式化，而且撞衫頻率仲鬼咁高！

前幾日心血來潮，又去中環半山自動電梯一帶閒逛，畀我見到樓上舖「Voodooist Eye」，店舖由設計、裝修、售賣嘅衣物都非常「Voodoo」（巫術）！店內分為新舊兩區，新時裝區主要售賣型格Ready to wear時裝，風格帶點復古，但有Details、有味道；而古着區嘅家品衣飾，絕大部分都係由從事時裝設計嘅店主Crystal，多年嚟响日本、台灣、歐洲旅行時搜羅回港，我到訪時撞手神搵到歐洲時裝名牌嘅古着配飾，响茫茫人海中搵到只此一件嘅心頭好，興奮程度實在無與倫比！

店主Crystal嘅妹妹Phoebe係Hair Stylist，閒時會露兩手為客人剪髮，舊式上海舖常用嘅皮椅、掛牆鐘、木矮櫃，將店舖一角營造成古怪理髮店。	木馬搖搖椅、富Designer Chair味嘅膠椅，而學校木書枱上嘅係Pop Art大師Andy Warhol嘅讀物，不同時代大玩Crossover。	牆身剝落？店主索性以舊鐵風扇、洋娃娃、舊麻雀悉心「裝扮」一番。
牆身剝落？店主索性以舊鐵風扇、洋娃娃、舊麻雀悉心「裝扮」一番。	黑色短身西裝褸 $539、紫色棉質彈性高腰裙 $339	黃色真皮紳士鞋，今季大熱，搶呀！$400
灰色絨帽，似足70年代空中小姐。$219	Gucci金屬釦橡筋腰帶$539	珍珠色珠片Shoulder Bag $980/個
懷舊座枱燈 $1,800	大陽眼鏡款式Yeah爆，帶住佢Go Party！$380

叻太:靚！手錶都轉季

秋冬已到，又係轉季嘅時候，經常以手錶襯衫嘅我，睇中咗Michael Kors 2010秋冬新款腕錶，利用大自然色系，將唔同物料嘅組合配搭經典設計，並以棕色、褐色、白色及玫瑰金色作主調，此外，仲有高貴大方嘅陶瓷系列，選擇多多，係襯我一身秋冬新裝嘅好幫手！