中秋已過，秋意漸濃，這個時候最啱齊齊出海遊船河！租船出海玩就試得多，有否想過自己可以駕馭一隻帆船？原來現在學駕駛帆船的費用仲平過學車，最短的只需21小時即可學識，閒時可揸帆船帶埋一家人，一班朋友，或同女朋友過海上浪漫二人世界，夠型又好玩，你仲唔嚟起帆？

以前揸帆船好像只是有錢人才玩得起，但現在漸漸普及化，價錢相宜，隨時仲平過學車出i-Phone添！聽落好似好吸引，大家係咪心郁郁想試吓呢？咁就唔好錯過以下嘅介紹喇!

先學理論 認識器材

香港雙體船會（CTCA）是本港唯一獲美國帆船總會訓練認證基地（ASA）認可，提供開班教授帆船訓練課程的船會，船會亦有提供坐帆船遊香港的旅行團，大家即可租船玩，又可學揸船。

初學者會建議先上ASA 101單體帆船入門班，因為體積較小，敏感度高，較易控制。而課程為期3日，共21小時，包括1日航海理論和兩日海上航行實習，大家要先上堂認識帆船結構及名稱、帆船器材及其功能、航行術語、航行規則、航行安全及實用知識等，既有理論又有實踐。

正式實習 睇風做人

學足一日紙上談兵，第二日終於可以上船實習，全程有船長陪伴左右，就不怕出錯啦！那麼上船後最緊要是甚麼？船長Kevin話，原來最緊要識睇風做人，起了帆受風才夠力航行。大家先要檢查繩子有沒有打結，然後就可絞動絞索盤起帆。

終於順利起了主帆，第二步就是「船頭向風」，船舵位置有各種儀器看到一清二楚，其中一個儀器上有類似船頭的圖案，上面有指針，簡單來說，是用船舵控制船的左右，盡量把帆船控制在指針指向船頭圖案的尖端，加上知道風從哪裏來，不時調校風帆角度，就可確保帆船「食住風」航行，那麼無論迎風、側風、順風、逆風，都可以通行無阻啦！不過睇風都要靠個人經驗，大家感到風向有變，就要轉舵轉帆，教練說熟能生巧，多練幾次就冇問題，今次總算可以順順暢暢的航行了！

帆船分4種

帆船大約分4種，包括6米以下無龍骨帆船，適合沙灘附近航行；6~9米有龍骨帆船則是近岸航行；另外，還有可以環遊世界、9米以上有龍骨帆船及雙體帆船，後者更有兩個船艙，體形較大，速度又快又穩定，但轉彎則較難控制，對技術要求相對也更高。

收費：美國帆船總會訓練認證基地（ASA）香港雙體船會帆船訓練課程（2人開班）

ASA 101入門班（21小時）

費用：$3,900

ASA 103入門班（14小時）

費用：$5,000

ASA 101，103，104（7日+2夜訓練班）

費用：$21,900起

坐風帆遊香港

如果大家不打算學揸帆船，但又想遊船河，可參加帆船觀光團，一家大細玩番一日！

環港島帆船遊

時間：12:00nn香港仔/2:00pm銅鑼灣出發（全程約4~6小時，逢二至五出發）

費用：每位$790起

香港地質公園（果洲）觀光

時間：2:00pm~6:00pm（逢二、四出發）

費用：每位$790起