阿寶︰馬沙，我哋曾經喺奧干共同作戰，點解你仲要消滅地球？」

馬沙︰我都唔想咁做，鬼叫啲人一提起高達，淨係諗起你部RX-78-2，令我妒忌又羨慕！」

依家連高達手機都出埋，馬沙一定憎死我！（設計對白）	模型砌好後可凌空架設喺叉座上，叉電都咁有氣勢！	跟機送RX-78-2模型組件，其中一包係金屬內骨架，證明Bandai今次落足料！

阿寶︰咁你都有部MS-06S馬沙專用渣古啦！」

包裝盒成盒模型咁，高達迷要收藏啦！	機面係白撞紅設計，兩側印有「白色基地」及飛馬Logo。	機底仲花心思，唔單止1,210萬像素鏡頭有鍍金圈圍住，電池蓋更變成紅色巨盾，加埋防水貼紙，靚到唔捨得用。

馬沙︰仲好講，提到專用機你就巴閉，今年Bandai竟然同SoftBank合作為你推出30周年版專用手機945SH G，內置高達桌布鈴聲，仲有隻1:100 MG模型，真係恨死隔籬！」

沿用945SH嘅摺合機身，只係鍵盤轉Tone變成黑撞橙，勁搶眼！$7,280	手機插落叉座後會自動播放陳年高達動畫，1秒都唔放過Fans眼球。	提供美顏模式，可幫相中人瘦面、整假大眼兼執走暗瘡，宅男冧女啱用。

阿寶︰但先達炒到$7,280天價喎！」

有多款高達桌布畀你揀，想見高達全身或Cockpit駕駛艙都得。

內置3款高達手機主題，桌布會隨時間轉換。

馬沙︰所以你同班Fans等住受死啦！殺呀！」

高達模型（GUNPLA，全稱GUNDAM Plastic Models）30周年企劃認真大陣仗，先有1:1靜岡高達、《Gundam 00》電影，再來RG模型誕生，由60後到90後都為之着迷；但最估唔到係SoftBank都嚟湊熱鬧，推出30周年紀念手機945SH G，Fans見到一定腎上腺素飆升！

防水貼紙DIY裝身

Softbank唔係第一次推出高達別注手機，無耐之前就出過部913SH G紅彗星，不過論注目度，呢部以RX-78-2高達作藍本嘅945SH G就贏幾條街！機身方面，佢沿用945SH嘅向外翻芒設計，只係當中注入唔少高達元素，例如外殼改為全白色，上蓋印有「白色基地」及飛馬Logo，機背則可換上「紅色巨盾」電池蓋，拎上手傾電話搶眼到爆！而最有心思係跟機送埋防水貼紙，畀粉絲自由拼貼，似足砌模型咁有DIY樂趣。

送限量版MG模型

提到模型，不得不提其包裝盒，設計跟足PG高達模型，大大盒見到已經興奮。拆開一看更叫人驚喜，事關入面真係有齊MG模型Parts，跟住說明書就可砌出阿寶架RX-78-2；雖然比例上同舊版一樣係1:100，但部分貼紙就經過重新設計，而且內骨架為全金屬，坊間買唔到，一定炒得起！以為咁就玩完？仲未算，原來模型還可以凌空架設喺手機個叉座上，一邊叉電一邊擺揮劍Pose，真係型到冇朋友！

雷射槍變快門聲

叫得做高達特別版，專屬內容當然唔少得，呢方面佢就預載咗3款高達主題，桌布懂得自動轉換，一時係設計草圖，一時又變成駕駛艙，淨係圖片都有排睇。手機仲內置埋動畫嘅經典對白及聲效，用戶可設定成鈴聲或SMS通知音效，以後阿寶大嗌「出擊」就知有朋友打嚟，熱血到震！至於影相功能，1,210萬像素CCD鏡頭繼續保留，支援美顏模式兼拍到720p高清片，最搞鬼係影相時對焦框會變成準星，按下快門又有雷射槍聲，以後宅男打女就格外投入啦！

機檔案

制　　式︰GSM三頻、WCDMA

內　　屏︰3.4吋1,677萬色New ASV，854×480解像度

外　　置︰1.4吋單色，192×64解像度

鏡　　頭︰1,210萬像素CCD

記　憶　體︰內置104MB、支援microSDHC記憶卡（最高16GB）

對外連接︰藍芽2.1、IrDA 1.3、7.2Mbps HSDPA、Wi-Fi、HDMI

通話時間︰210分鐘（GSM）

　　　210分鐘（3G）

備用時間︰350小時（GSM）

　370小時（3G）

體　　積︰112.5×51.5×18.2mm

重　　量︰140g

查詢︰2374 0618