餵哺母乳對BB有幾好係人都知，不過好多姊妹都話出街嗰陣要遮遮掩掩餵奶，好唔方便！日本媽媽界名牌最近進駐香港，帶嚟專利嘅授乳潮服，啱晒各位哈日潮媽！

日本mille ferme孕婦及授乳服飾專門店，如果有睇開日本育嬰雜誌嘅潮媽，相信都聽聞過，最近有嬰兒用品店老闆娘何太引進此品牌，並於佐敦開設「mille ferme香港販賣店」。原來何太都係母乳支持者，育有兩歲囡囡，因此深明香港地餵母乳嘅難處：「逛街中途BB肚餓，總係要遮遮掩掩搵地方餵，狼狽不堪；想着靚衫出街，又怕餵奶唔方便。自己响本地搵咗好耐，都冇一套結合潮流又兼具功能性嘅服飾，所以決定從日本引入。」

mille ferme授乳服最特別係款式時尚，但又能方便餵哺母乳，從孕婦裝、日常服、上班服到華麗晚裝都有，滿足唔同媽媽嘅需要。品牌中嘅王牌貨係一系列層疊式授乳衣（Layer Type），設計更於日本攞到獨家專利，件件內有乾坤，一掀起內附嘅布塊就可以哺乳，隨時隨地都咁方便！新張期內，部分貨品仲有八折優惠，抵呀！

解構層疊式授乳衣

胸前設計如兩幅相疊嘅布料，內側腋下兩旁附設鈕扣，解開後將胸口位置嘅布塊向上掀起並拉出，就可以輕鬆哺乳。

表面看，層疊式授乳衣如一件有層次的衣服，其實內裏的布塊隱藏着授乳口。

解開腋下的鈕扣，將裏面的布塊向上掀起。

將布塊掀出後，其實還有遮蓋功能，方便媽媽隨時隨地哺乳。

BE@RBRICK限量產品

早兩日收到响尖沙咀開工嘅兄弟急Call，佢話BE@RBRICK已經入侵豐澤，咩「樹」呢？原來由即日至11月18日，只要响豐澤購買指定數碼電子、家庭電器、影音及IT產品，即可獲贈BE@RBRICK限量版系列贈品，共超過十多款，包括手提電腦袋、SD記憶卡盒、襟章同Figure，數量有限，送完即止。啲「巴打」向來叫我做潮流達人，咁點可以唔儲齊成套返屋企呢？

查詢︰2555 5788

長效驅蚊帶

本港近日再有登革熱致命個案，身為媽咪，當然即時提高警覺，要為惹蚊嘅囝囝做足防蚊措施。最新配方嘅EG防水驅蚊帶，全新設計及包裝，經大學測試驗證，驅蚊效力達180小時以上，每次用完只要放入密實盒密封儲存，第二日又可以使用，最多約可使用22次；加上專利防水設計，就算成身大汗都唔會影響其防水效力，甚至進行水上活動都可以照戴。最令我放心係驅蚊帶得到美國環保局（US EPA）、CE及EN71認證，100%純天然植物精華配製，不含DEET，咁我就放心畀囝囝用啦！

查詢：2135 6320

歐洲貴氣廚櫃

最近行過尖沙咀，發現煤氣公司嘅「名氣廊」搬咗新舖，除咗有Flame餐廳外，仲新入咗廚櫃品牌Mia Cucina，廚房係女人聖地，我梗係唔執輸，即時走入去睇吓啲設計得又靚又實用嘅廚櫃啦！呢度設有度身設計服務，採用一級進口歐洲物料，廚櫃根據地櫃門板嘅材料，分為四大系列，包括真木木皮、焗漆/亮漆板、水晶板及木紋層壓板，滿足唔同人士需要，真係幾奄尖都唔怕啦！

查詢：2367 2707