女人無論幾多歲，都總係有啲少女情懷，好似住响元朗嘅表妹，仲帶我去佢地頭掃少女雜貨添！

最近入元朗探表妹Zita同佢Baby，以前我哋成日孖公仔去銅鑼灣Shopping，依家佢仲邊有時間陪我「玩」吖？一場去到元朗，當然要佢帶我周圍去，Zita話元朗好順福購物中心就有兩間相連嘅日韓少女雜貨店，兩間都唔同Style，好似「Macaroon de vivi」係專攻少女味嘅碎花雜貨，店主每隔一段時間就飛去日本入貨，每件貨都只係十件八件，至於隔籬舖嘅「Show Room」就走七彩繽紛路線，同埋抵死嘅生活雜貨，大部分都係嚟自韓國、日本。唉！諗住嚟探人之嘛，點知反而掃咗一大堆嘢返屋企……

Cutie日本人氣羊咩公仔，好鍾意呀！$329	迷人碎花 碎花High Tea餐具套裝，真係詩意。未定價（a）	花花眼鏡盒 $199（a）
小紅帽印仔套裝$95/套（a）	貓仔兔仔橡筋圈$115/件（a）	日式便當飯盒黏貼玩具，店主話得到唔少少女青睞！未定價（a）
Macaroon de vivi舖面如少女部屋，夢幻得要緊。	彩色奪魄 屋形紙巾盒$19/件（b）	橙色皮帶 $149（b）
金色琴鍵塑膠萬用袋，野田妹就係你啦！$263（b）	少見嘅手挽格仔袋，忍唔住買咗幾個！$135/件（b）	彩色花花戒指 $99/件（b）
原來店舖仲有BB嘢賣，呢個口水肩掛頸夾啱晒Baby用。$99（b）	Alice in Wonderland茶杯連布啤牌杯墊$199/套（b）

查詢：（a） 2470 5198　（b） 2470 2480

秋風起，要買Boots！

中秋節過咗，一早一晚真係多咗啲秋意，對於我嚟講，又係時候要轉秋裝，第一件事梗係要買番對新Boots啦！表姐Suki真係唔話得，返緊工都打電話嚟報料，佢話永安百貨由即日至10月17日會搞個「Boots Fair」，搜羅咗今季多款長度及腳踝嘅Ankle Boots，有唔同質料或配飾，好似麂皮、真皮、扣帶咁，嘩，聽到已經覺得花多眼亂，最正係仲有男裝皮鞋同中筒Boots，順手幫埋老公入貨先得！

查詢：2318 2395

食蛋糕玩抽獎

就快到萬聖節，每年我哋一家人都會扮鬼扮馬應吓節，等囝囝開心吓！尋日陪老婆去超市掃貨，畀我見到張宣傳海報，原來由細食到大嘅嘉頓雪芳蛋糕推出萬聖節雙重巨賞，由即日至10月31日，只要憑3張包裝上嘅推廣貼紙，到玩具反斗城購買指定萬聖節玩具滿$100，即可當$15使用，滿$200就當$30，優惠上限為$30。推廣期內仲可憑一次過購買3包嘉頓雪芳蛋糕嘅單一發票參加抽獎，有機會贏得驚喜獎賞，終極頭獎係玩具反斗城$3,000現金券（名額共3份），快手參加囉！

查詢：2360 3160