普遍嚟講，迫力皮嘅壽命可以長達五萬公里，但會隨住每個人嘅駕駛態度唔同而有所改變，所以最低限度每行駛咗一萬公里，就要做一次檢查。如果煞車出現「吱吱」聲，或者Feel到制動力減弱，已經係一種警號，可能係迫力皮耗盡，亦可能係迫力碟變形等，要立即搵技術人員檢查及維修。另一方面，車主唔應該混合兩種唔同嘅迫力油使用，咁做有可能改變咗迫力油沸點，影響制動性能。