本文重點
貓科：
香港的影音產品市場雖然細，但不少日、韓品牌都已推出多款3D TV，選擇都唔算少，反而歐洲品牌在這方面好似停晒手，遲遲未有新機發表。不過Philips早前在IFA影音展上展出業界首部21:9 LCD 3D TV，比起傳統嘅16:9電視，煲碟時屏幕上下唔會再出現黑邊，睇得相當舒服，真係希望佢能夠快點引進香港，為歐洲品牌爭光。
marcovaldo：
已不記得採訪過多少次東京遊戲展，但要說的是展覽的可觀度（包括參展廠商及Promotion Girl）每下愈況，跟美國E3及新崛起的歐洲Gamecom距離愈拉愈遠，唔少行家都有同感。出乎意料的是首兩天業內人士展期，每日只錄得約24,000人進場，比去年少約一成，但合計四日卻又錄得207,647人次的歷史新高。這或許說明日本遊戲業對比全球遊戲市場的發展，跟當地市民的參觀意欲，都存在相當程度的落差。
Gilbert：
早前去倫敦，剛好遇上是阿仙奴主場對布拉加的歐聯大戰，原先以為有錢就有飛，殊不知今次原來布拉加係首次躋身歐聯分組賽，Fans越洋捧場瘋狂搶飛，搞到小記在場外徘徊半個鐘也入不得其門。正當以為緣盡於此，打算離開之際，卻終於見到Yellow Cow，開價60鎊﹖殺！苦等多時終於可以入場觀戰，59,333人同聲打氣，加埋最終6個入球，呢60鎊抵畀啦！
