仲未到10月，但係西方鬼節（萬聖節）活動已經紛紛出籠，首選梗係去主題公園湊哈囉喂熱啦！

堪稱每年盛事嘅海洋公園「十月全城哈囉喂」，原來已經嚟到第10年，仲記得10年前孖住叻太同成班Fd去玩！為咗慶祝10周年，今年公園嘅嘩鬼數量、猛鬼景點及幕後嘅搞鬼能手都係以往嘅10倍，而且會有更多「人鬼互動」，實行將驚嚇指數升呢！今年鬼屋有8個，當中仲加入多種新科技，好似「喪屍反擊戰」中加入好玩刺激嘅雷射裝備、「幽靈遊樂園」仲係全港首次引入無線射頻辨識技術（RFID），以增加互動元素。等我同老婆約埋班「巴打」去重溫「噩夢」啦！

7大鬼屋率先睇

1.幽靈遊樂園

新增RFID技術，只要去到指定位置嘟一嘟，就可以儲起拯救靈魂嘅分數，獲得「守護者證書」。

放大圖片

設計成一個荒廢遊樂場嘅鬼屋，內裏有多隻孤魂野鬼，令你置身人間煉獄。

2.彭氏兄弟之《童眼》

放大圖片	豬肉佬好鬼得人驚，會唔會當我豬肉咁切o架！

將電影嘅靈異場景加入鬼屋中，女主角闖入泰國猛鬼酒店，遇見詭異店主……

3.哈囉喂十年回魂館

睇見呢枱麻雀，就知係經典嘅「四人歸西」，真係搵鬼同你打囉！

嘩，真係「爛屍」呀，小心小心！

一眾「魔dol」齊集於鬼屋舉辦「鬼展」，讓遊人重溫「驚」典。

4.喪屍反擊戰

放大圖片

真人版捉鬼敢死隊

新加入互動元素，遊人可於佔地超過4,000平方呎嘅鬼屋內，利用先進雷射槍斬妖除魔，更可以與朋友鬥高分，好玩又刺激。

5.熱舞吸血城

嗜血殭屍舉行狂歡派對，遊人偷偷走入去舞會，想走出嚟就唔係咁易啦！

6.粵夜驚魂

殭屍舞池，佢哋跳住舞等你哋嚟開餐……	放大圖片	支離破碎嘅手手腳腳，竟然藏有一雙真手，啋！

全港首間以廣東駭人鬼古做主題嘅鬼屋，遊人會見到不同嘅著名鬼怪。

7.巫術高校

釘床呀，小心畀鬼捉你去瞓！

放大圖片

鬼屋裏面有多種巫術出現，包括揭開獵頭族嘅驚嚇實錄，並見識令人聞風喪膽嘅降頭。

「海洋公園十月全城哈囉喂」

日期：9月23-26日、9月30日、10月1-3日、10月8-10日、10月15-17日、10月21-24日、10月27-31日

時間：5:30pm-12:00mn

票價：夜場門票 $250-$298、至尊門票 $430-$498、

至尊晚餐套票 $630-$698、

鬼咁Friend大派對套票 $765-$830

查詢：3923 2323

網址：www.halloweenbash.com.hk