近年多番日本精品店進駐香港，等我哋呢啲行街精多啲選擇，最新報到係2007年响日本開業、專為潮女而設嘅家居精品概念店。

成日聽朋友講，同啲十八、廿二去街Shopping，心境會後生啲！我朋友個女正係十八年華，上星期就啱啱同佢去逛街，唔知係我孖住啲90後耐咗，定係因為行咗一間好少女味嘅店，我覺得自己真係Young咗！

心形玻璃外牆，輕易吸引途人注目，絕對係潮女新蒲點。

繡上「CARDS」字樣卡片套，OL必備！$100

以東瀛女生部屋為藍本嘅日本家居精品概念店「About a Girl」，首間海外店最近登陸銅鑼灣WTC More世貿中心，作為日本創意家居概念店Francfranc嘅延伸，新店由外觀至精品設計，都盡走Fancy路線，由家居到個人隨身物品都一應俱全。

橙色×紫藍色大花圖案方形毛巾，以及同款式毛巾髮箍，唔怕响屋企變咗黃面婆啦！毛巾 $70、髮箍 $120	立體貓咪按摩器，另備有紫色及黑色。$68	熊Bear Bear掛飾鑲滿閃石，既Kawaii又Fancy。$398

難怪自2007年首次响日本銀座開業後，旋即成為日本少女和OL嘅Shopping熱點，依家過江到港，相信本地一眾港女都會被俘虜。

栩栩如生嘅雀仔，真身磁石貼是也！$35/件	香水瓶外形蠟燭，根本唔捨得用。$65/件	手挽式設計午餐袋 $220附橡筋設計食物盒$170

查詢：2504 2226

白色×金色簿子橡筋箍，為平平無奇嘅記事簿添上貴氣。$50	玫瑰花形沐浴露 $28/支	閃面設計相簿，備有多種色調配搭，真係好想買晒呀，老公！$120/本