啱啱喺日本上映嘅劇場版《機動戰士高達00—先驅者的醒覺》，本月29日就會喺九龍灣EMax舉行首映禮，依家上Facebook就有機會親臨其會、先睹為快喇！高達迷到Facebook嘅The BAKUC Society—Official Gundam Page，喺相關嘅Post畀個「Like」，再跟從遊戲規則答問題及提供聯絡資料，主辦當局會隨機抽出50位得獎者，每人送出兩張門票，截止日期為21日2:00pm，得獎結果將於22日於Facebook內公布並以電郵通知。除此之外，EMax喺10月期間更會舉辦多項高達主題活動，包括Fans聚會、Cosplay大激鬥及動畫配音員聚會，地下廣場仲有一座4m高嘅高達半身像，每逢周六、日嘅指定時間，更會舉行「Gundam燈光幻影Show」，高達迷點可以唔朝聖！活動詳情可到www.emaxhk.com瀏覽。
