Elaine：
玩開Facebook嘅人少不免都會同啲中學同學玩吓集體回憶，近日就有朋友Upload咗一批中學時期大家着住校服喺母校影嘅相，感覺怪怪哋，點解當年條眉咁粗嘅？個頭想點呀？有朋友仲厲害，搵番張小學畢業相，舊時教美術個阿Sir又放啲舊相上去，搞到同校嘅家姐急急同我回憶過去，「記唔記得阿邊個邊個？」Sorry！十幾廿年前嘅嘢，放過我啦！
Jun：
接觸了時裝寫作多年，亦認識了Missoni這個超過50年的針織世家多時，一直都想入廟上香，但奈何品牌偏向柔弱的風格，總是找不到能喝進口的一杯茶，多得Converse這個媒人，最近我終於可以同Missoni上契。這對All Star布鞋由Missoni原創的織物加上啡色頂級羊仔皮內櫳製作，手工超級精細，靚到我二千幾蚊都照買可也，而為了襯得起這對美人，又再忍唔住買多一堆衫襯佢，今日開始，又要捱白麵包……嗚……嗚……
Tiffany：
噴香水是每日的指定動作，用開的Guerlain La Petit Robe Noire香水差不多用完，是時候換上新香氣，選了Annick Goutal Rose Absolue Eau Parfume，東、西方最珍貴的玫瑰於一身，包括五月玫瑰、土耳其玫瑰、保加利亞玫瑰、大馬士革玫瑰、埃及玫瑰及摩洛哥玫瑰，不同質感的玫瑰香混集於一身，香味極具層次，而且很清香，一噴着迷。為紀念因乳癌去世的Annick Goutal創辦人，直至10月31日，每售出一瓶全新玫瑰香水系列的香水，Annick Goutal將會撥捐€5予抗癌協會，支持其癌症科研工作，非常有意義。
