現代人心多多，新款手機最好有十萬種功能；家中傭人煮飯洗衫湊仔之外，最好也懂裝修整水喉。尖東海旁的新餐廳Chaang Thai，吃的雖然都是平常泰國菜，卻有摩登裝修、望海景露天位、即席鐵板煮餸、泰式雞尾酒等等，樂趣頓時幾級跳！

去食飯，海景靚位難求，難得尖東海旁近日連開幾間新餐廳，全都望到開揚景觀，開餐時分外醒神，當中就以泰國餐廳Chaang Thai的裝修最引人注目。

燒蝦柚子雞沙律$55 清甜泰國西柚，配合蝦、洋葱、乾葱及雞肉等，淋上香辣醬汁，難怪是餐廳熱賣菜。

金邊粉$75 在日式鐵板上炒金邊粉，火夠猛，將豆腐乾、蝦、泰國蝦米、芽菜炒得入味，比一般的更香口。

餐枱藏水池　有詩意

一般泰國餐廳以竹、木、石等天然材料裝飾，這裏偏不賣Resort Feel，改走摩登路線。門外放有戶外家具，情侶們想吹海風睇日落，咬埋耳仔更浪漫；即使同好姊妹結伴前來，也可先飲番杯，傾吓閒偈再開飯。

Meat Bowl$55/4串<>用小木筒裝成日式串燒模樣，夠晒別致，乳鴿、雞軟骨、鴨腎及雞肉均以泰式香料醃過夜，再以電爐香燒鎖住肉汁，特別好食。	泰式炒蜆$65 特選大大隻沙白入饌，爽甜而不鞋口，以洋葱、辣椒、金不換、辣椒膏及椰奶多種香料來調味，增添層次。	Phuket Lychee Martini$58（前） Mango Passion$58（後） 自製泰式雞尾酒，前者將冧酒、荔枝甜酒混合香茅、南薑，帶點點辛辣，刺激味蕾；後者以伏特加、橙汁、杧果汁等調製，更有泰式三色粉條作點綴。

店內裝修亦很破格，大餐枱中間部分竟是個小水池，花朵裝飾、燭台隨水漂蕩，加上噴煙效果，極富詩意。店內裝上全黑鏡面，配合螢光粉紅、橙黃等奪目色彩，大收視覺效果，偶爾見到泰國裝飾品，雖型格亦不失傳統。

呢個水池咁Mini嘅，仲諗住着泳衣嚟游水添！	室內設計摩登，像金牆飾、彩色椅子坐墊，令人眼前一亮。	露天位面對靚絕海景，放假在這裏Hea，怎說也是享受。

鐵板煮泰菜　夠「氣」氛

店子由兩位泰國廚師主理，供應的都是傳統泰菜，不過為求新鮮感，菜式賣相、擺設來得創新，像以簡約摩登白色西餐瓷碟盛載沙律和金邊粉；泰國串燒會放在木筒內，帶點「和」風；杧果黑白糯米竟用上高腳金碟，食得優雅。

賣相新派外，不少菜式亦加入新「煮」意，像以日式鐵板來煮泰菜，師傅站在鐵板前，用兩隻鏟炒金邊粉、炒蜆及炒菜等，「清清撐撐」的，猶如演奏「樂曲」，煮出來的食物亦加添香氣。大家也不妨歎杯餐廳自創的泰式雞尾酒，加入香茅、南薑、辣椒等香料調製，呷啖地道風味。

查詢：2111 0922