自家製卡片套，一齊沾染好「皮」氣！

呢排好多媽咪Fd圍埋整手作仔，我當然唔執輸趁吓熱鬧啦，於是一齊Join咗Alriworkshop嘅手製皮革卡片套工作坊。未試過真係唔知，原來小手作一樣出得廳堂，仲好貴氣添！

將皮革切割成所需尺寸及數量後，先响表面塗上牛腳油，然後再抹上亮光乳液。

先用壓邊器响縫合位置刻下直線，跟住用菱形斬响刻線上打孔。

負責人Alvin同Yuri就話皮具唔單止易襯衫，塊皮仲會愈用愈靚，好有Vintage Feel，近嚟最多人學整相機袋，不過好似我呢啲初學者就可以先從初級組嘅卡片套入手，打好基本功，循序漸進整手袋、公事包都冇問題。

預備縫合距離約4倍長度嘅尼龍線，响頭尾兩端分別以針穿好，然後以雙針縫合雙線方法，即係响同一位置左、右輪流各穿一次線，將皮革縫合好。	縫好後塗上白膠漿封邊。	最後用壓花工具响需要安裝鈕釦嘅地方鑿孔，再穿上鈕釦即成。

今次我一於請Alvin私人教路，將秘技大公開！

如果想皮底嘅毛裡更貼服，可掃一層透明CMC，一般美工店買粉開或直接買現成嘅用都可以。	手縫皮具有特別嘅穿線方法，穿線後，針頭還需穿過尼龍線兩次，如圖呈「S」形，然後拉緊成兩個圈狀。	如欲加強修邊效果，塗白膠漿後可塗上皮邊油，令黏合情況更佳，亦更有光澤。

同場加映：工具篇

縫製皮具，當然必備針和線，針可用回平日嘅繡花針，不過要揀較粗身嗰款，而線方面則有尼龍、麻質、尼龍麻納線等選擇。另外仲有其他特別配備，一次過曬冷。

用作打孔嘅「斬」，常見有菱斬、平斬和斜斬，另又可分單孔、雙孔、四孔等，按情況應用於彎角等唔同位置。	錘仔和半圓形壓花切割工具。	壓邊器及削邊器，輕輕用開坑器在皮邊刻出直線，方便打孔；削邊器用嚟修飾皮邊，令製成品摸上去更圓滑。

查詢：www.alriworkshop.blogspot.com