壽星公生日切蛋糕是例行公事，不過要分勻畀全場咁多位朋友，都幾考大家嘅切餅技巧。究竟要點樣切先能夠分到一人一件之餘，仲可以做到每件蛋糕都大小均等呢？今次小記介紹大家玩嘅《Slice It！》就係要你將不同圖形切切切，而且要切得均勻、切得準，下次切蛋糕就得心應手。

件件均等 絞盡腦汁

玩家要利用鉛筆將圖形分割成相同的大小及面積，難就難在必須利用指定的筆畫，將圖形分割成指定份數，而且要盡量保持每份大小均等，所以絕對會令你絞盡腦汁。另外，遊戲後半部分會加入不同的畫線限制，難度亦隨之倍增，幸好必要時可以利用提示過關。現時遊戲提供3個難度共60關，真係乜嘢奇形怪狀都有，值得一提係《Slice It！》分別推出了iPhone同iPad版本，在大芒上玩就更易睇！

每個難度共有20關，而且會根據你的表現評分，5星最高、1星最低。	畫線有規則，必須由圖形的邊線畫至另一邊線，幾難！	不時會加入特別障礙，例如畫線時不能穿越紅色限制區域。
必要時都可以用提示過關。	無論成功過關與否，都會有百分比分析你畫成點，畀你作賽後檢討。下載費用：$0.99美元