今時今日去Shopping，最方便梗係一站式服務，唔使左騰右騰嘛！早排閒逛位於佐敦嘅Zenia Wu，發現除咗售賣自家品牌嘅服飾外，店舖仲引入咗多款餐具、家品，一次過滿足我哋潮太嘅需要！

由同名本地設計師開設嘅Zenia Wu，店內餐具主要嚟自英國，部分仲係倫敦V & A（Victoria and Albert Museum）推出嘅餐具，雖然來頭超班強勁，但售價合理得可以，百幾二百蚊就有一件，真係唔用擺响屋企威吓都好！此外，店內仲有各式嘅家品如繽紛盛器、隔熱手套、杯墊等，絕對可稱得上係一個小巧家品城呀！

各式隔熱手套，梗有一款係你心水。$100/隻	朱古力圖案餐具 $80至$100	印上「Good Morning」字樣嘅餐具，食早餐用至啱！碗$50、碟$60、沙律兜$100
玫瑰花圖案方形紙盒，好Lady。$80	布滿甜筒圖案盛器 $80至$120	V&A出品，Chiroiserie系列餐具。茶杯連碟$150/套、奶瓶配糖罌$200/套、餐盤$100
立體Cupcake盛器 $250至$500/件	印滿「London」字樣嘅餐具，「家」添幾分潮味。杯$80、碗$80、碟$100	青檸、Jelly Bean圖案碗及沙律兜，夠清新。$50至$100/件
印有唔同英式建築物圖案嘅圓碟，有氣派。$80/件	V&A出品，Brompton Rose系列杯墊。$100/6件	長方形鐵製餐盤 $200

免入場費博物館

Victoria and Albert Museum（V&A）原建於1852年，以收藏世界第一流美術工藝作品為主，與大英博物館齊名。館藏作品風格包括中世紀、回教、東洋、哥德式、意大利文藝復興等，而館內還有各式各樣的展覽空間，像亞洲和伊斯蘭館等。博物館於2001年底開始免入場費，令參觀人潮更為絡繹不絕。

查詢：2369 8019

叻生：零騷擾試按摩用品

日日返工無停手，做到腰痠背痛，所以我成日留意按摩用品嘅行情。早兩日行開沙田，發現OSIM開咗間全新概念店，店內以棕、紅、綠、藍四色，代表放鬆與紓解、塑身與健美、測量與檢查及清潔與淨化四個區域。不過最得我歡心，係店內設有自助試用區、VIP區域及獨立屏風，可以响唔受外界騷擾情況下體驗產品。我嗰日已經即時試咗，感覺當然係正啦！

查詢：2173 7868