小記發覺無論行到邊都見到有人拎住相機影相，單反、EVIL、Prosumer同DC仔都有，不過近年相機趨向輕量化，薄身DC就愈出愈多，好似今次呢部IXUS 1000 HS，就保留咗系列纖薄的機身設計，卻配備10倍光學變焦，令DC仔都有驚人遠攝能力。

最近推出嘅Canon IXUS系列相機，每部都有唔同定位，好似300 HS就以較多手動設定掛帥；今次1000 HS則以10倍光學變焦及全高清拍片作為賣點，加上厚度只有22.3mm，比支援15倍光學變焦嘅PowerShot SX 210IS，薄咗差唔多10mm，還備有粉紅、銀及啡三色選擇，規格甚吸引。

雖然1000 HS備有10倍變焦鏡頭，不過機身只是大一毫子直徑少少。

記憶卡插槽仍舊設於機身右下角。

機身設計 全面廋身

小記將1000 HS調校到最遠的360mm，發現鏡筒長度只是機身厚度的兩倍，以10倍變焦的相機來說，實在是非常短小。至於機身設計亦同樣經過改良，例如將記憶卡插槽及電池位分別改放到機底左右兩側，令機身可以造得更加纖薄；同時並非使用傳統的長方形鋰電池，而是改用了外形跟普通AA電芯相近的設計，但就較粗較短，在數碼相機中非常少見。

電池也改放到機底左方，並採用了類似AA電芯的設計。	機背按鈕數量大減，用家需要透過轉盤進行各式設定。	機頂設有模式切換桿，一撥即可轉用影相、拍片及自動場景模式。

而且電池續航力以CIPA標準計算可達150張，如果進行遠端拍攝的話，耗電量會較多，建議大家畀多$350買多一粒電池作為後備。

提供銀、粉紅及啡三種機身顏色選擇。各$3,180	聚光燈 相機偵測到主角處於聚光燈下，左上角會轉為聚光燈人像模式，自動調節曝光設定。	手持夜景 新增的手持夜景模式，原理是連拍幾張相再合併，令夜景相更清晰，而且像素還不會降低。

拍片特效 影像豐富

最難得的是1000 HS擁有全高清1,920×1,280@24p拍片功能，而且拍片時都可以使用到10倍光學變焦，應用上相當靈活。由於機身較輕，使用慢快門拍片好易手震，故此相機亦內置了Dynamic IS動態穩定技術，無論喺室內或者夜晚手持拍片，都能確保影像清晰。

高速移動 要拍攝快速移動的物體，可以選擇高速拍攝模式，提供大約8.8fps連拍。	因相機能正確識別到現場光源，因此模特兒面部曝光正常，並沒有出現太光或太暗的情況。	啟動手持夜景模式後，相機會自動連拍4張相片，然後再合成做這張相片，以1/8s拍攝亦冇手震，主體都很清晰。

另外，唔少用家都唔鍾意用DC拍片，皆因特效選擇唔多，拍出來的短片段段都一樣，冇乜個人風格。依家用1000 HS拍片就好玩得多，事關大家可以在開拍前選擇特別嘅拍攝模式，例如用上類似移軸鏡嘅模型效果，就可以令到主體顯得更小巧別致；想將寵物變到大頭狗咁可愛，又可以使用魚眼效果拍攝，影像變化更大。

HS系統 唔怕反差

雖然1000 HS唔係黑夜之王，光圈亦只得f/3.1，但影夜景或者面對光暗差別很大嘅環境都有一手。事關此機新增手持夜景拍攝模式，當你影夜景時，相機會自動連拍多張相片，然後將它們合而為一，令相片的銳利度及動態範圍都得到提高。

此機還加入專為提高影像動態範圍而設的HS SYSTEM，令相片保留更多細節。同時，1000 HS亦在自動場景偵測技術中加入聚光燈人像模式，即使要拍攝如演唱會等場合，聚光燈以外嘅範圍仍可保留細節，有效記錄整個演唱會嘅氣氛。

機檔案

顯　示　屏： 3吋23萬像素闊屏幕

感光元件： 1/2.3吋背照式CMOS

焦　　距： 36-360mm（10倍光學變焦）

光　　圈： f/3.4-7.1

解　像　度： 1,000萬像素（影相）

1,920×1,080@24p（拍片）

感　光　度： 最高ISO 3200

體　　積： 101.3×58.5×22.3mm

重　　量： 167g

查詢：3191 2333