雲妮寶寶：

正所謂「一年容易又中秋」，絕非老套開場白，而是小記堅覺去年專責所有月餅專題的日子還歷歷在目，冷不防身後又堆起了30多盒月餅……再次當起月餅之達人，時也命也！由事前致電借餅、取餅，到切餅、分碟、送到攝影部，再收拾、洗碟，單是拍攝當日已經花上5、6個小時，特別鳴謝攝影師Ben的一貫超水準及超高速表現。明年今日……搵人頂上好喎！><

師傅仔：

鍾意慢，所以鍾意行路。平日會散步減壓，一步一步行可以整理思緒，睇風景，甚至抬頭睇星。跑馬地係我其中一個散步熱點，周圍有好多綠色，又有靚車睇，見到Porsche最興奮，仲會專登企上某中學前的石壆行路，暫時變身「高人」。

CMM：

由細到大我都是超強「誘蚊人」，最風光的戰績，是某次在公司附近的海濱公園被群蚊圍「咬」，腳跟對上3吋的同一部位被連噬數10下，即時肥腫難分，隔天還發熱發紅，「痕」不欲生。是以我家必備止痕藥劑，呢支新買的止痕爽，以多種天然香草代替化學成分避蚊胺，用後即時紓緩發熱腫痕，以後出街都要袋住佢。