如果你做人宗旨係「最緊要好玩」，相信呢部Fujifilm最新推出嘅FinePix REAL 3D W3一定啱晒你要求。一部相機就滿足到3D拍片同影相嘅願望，而且唔使戴專用眼鏡都睇到3D效果，夠晒簡單直接，連兩位初次接觸3D拍攝的模特兒試過後，都話好玩到彈起。

雖然市面上都有其他3D相機和攝錄機，但唔係利用影像合成技術扮3D，就係要加裝鏡頭先影到，所以REAL 3D W3可以做到咁細部，兼且內置埋雙鏡頭拍攝3D相片同短片，確係少見，更重要嘅係除咗可以在屏幕或接駁電視睇3D外，仲有埋3D相架同曬相服務，配套相當全面。

機身左上方只剩番變焦控制桿，用作Zoom近拉遠。

利用HDMI mini插位直駁3D電視，睇片播相都有3D效果。

加大碼3.5吋巨芒

W3沿用W1的3D拍攝原理，機面設有兩個1,000萬像素鏡頭，就好似大家平時肉眼睇嘢咁，從左右兩邊不同的角度進行拍攝，然後利用視差原理，產生出具有前後距離的立體影像。W3跟上代W1一樣同為黑色機身，只是體積更細更圓潤，機面亦改為啞面，冇咁容易印上手指模。機頂的變焦操控桿由上代設於快門鍵旁邊，改為放在機頂左側，要用埋左手先可以進行變焦，稍為不便。雖然機身細咗，但由於機背的按鈕全放在右方，所以有足夠位置加入一個3.5吋115萬像素闊屏幕，相比起W1簡直係越級改進，抵讚。

模式轉盤設有進階的A3D同A2D模式，提供更多好玩的拍攝功能。

放大圖片

3D短片一按即拍

留意機背就會發現兩個印有金色圖案嘅按鈕，最右下角係2D/3D轉換鍵，無論係用緊手動拍攝定係13種場景模式，按個掣就可隨時切換至2D或3D拍攝。另一個金色按鈕係「一按即拍」鍵，一按即可以由靜態嘅影相模式，轉換到拍片功能，唔使入菜單慢慢揀咁麻煩，而且當相機處於3D模式時，拍攝的短片還會自動以3D-AVI格式記錄，同時解像度亦提高至1,280×720的高清級數。另外，影完嘅3D相片或短片，除咗可以喺相機屏幕和3D電視上重溫外，仲可另購同廠的REAL 3D V1相架，或者攞到快圖美以每張$48沖曬成3D相，咁就想幾時睇都得啦！

利用「間隔3D拍攝」功能，用家可自定拍攝第二張相片的時間，令3D效果更加突出。	小記建議用家啟用「自動視差控制」功能，以免影響3D相片的立體感。	如果要同時拍攝唔同焦段嘅相片，呢個「Tele/Wide」模式就最幫到手。

進階模式好玩特別

轉盤上另設A3D及A2D兩個特別模式，分別是為3D及2D影像提供進階拍攝功能。例如當你搭巴士時，啟動A3D模式內嘅「間隔3D拍攝」功能，相機會先為主體影第一張相，然後於指定時間再從第二個角度影多張，然後合成做一張立體效果更突出嘅3D相片；至於A2D模式則有3種選擇，筆者認為當中嘅「Tele/Wide」最好玩，相機會在同一時間拍攝廣角及遠攝的影像各一張，一方面以廣角拍攝保留現場環境之餘，又能Zoom近捕捉主角的生動表情。

3D拍攝有距離感

小記特意請兩位Model一前一後咁企進行拍攝，各位可以清楚見到企後面的Suki，其影像的立體幅度比前方的Chole大得多，由此可見，就算3D相都拍攝到前後距離感，勁正！

機檔案

顯　示　屏：3.5吋115萬像素闊屏幕

感光元件：1/2.3吋CCD×2

焦　　距：35-105mm（3倍光學變焦）

光　　圈：F3.7-9.0

解　像　度：1,000萬像素（影相）

　　　　 1,280×720@24p（拍片）

感　光　度：ISO 100-1600

體　　積：124×65.9×27.8mm

淨　　重：230g

查詢：2406 3225