舊時香港街頭，經常會見到有人推住車仔賣$5一串的咖喱魚蛋，肉質夠彈牙之餘，仲有濃濃的咖喱味，諗起都流口水。雖然近年已經好少見到有車仔檔賣魚蛋，不過在《The Hawker》中，大家可以再回味拮魚蛋這種本港地道小食！
玩家扮演車仔檔小販，要極速滿足不同客人的「柯打」。車仔檔賣嘅全部都係香港人至愛嘅傳統小食，包括咖喱魚蛋、牛丸、炸大腸、格仔餅等等，夠晒地道。只要你儲夠錢，就可以喺不同地區再開分檔，最正嘅係可以配合埋香港地圖玩，完全呈現香港獨有的街頭小食文化。