cHLoe：

最近的天氣非常飄忽，一時灰蒙蒙滂沱大雨，轉頭又陽光普照熱到暈，搞到小記的拍攝興致全消。這幅相已是今年夏天去台灣時影的，當日自己走到台北幾個文化區，參觀當地人的藝術作品，陰陰沉沉的天氣加上身處異地環境，感覺就像牆上有隻眼睛在監視自己一樣。探求陌生的領域，享受未知的新鮮感，對於小記而言，充分表現出旅行的意義。

marcovaldo：

唔好食鯨魚！舊年在挪威卑爾根（Bergen）魚市場見到一塊一塊帶黑色的鯨魚扒，曾有過少少試食嘅衝動，但始終過唔到自己嗰關。早排去澳洲Join Local Tour觀鯨後，更加深咗呢個想法。當日搭船駛出大海後已見到遠處有鯨魚在噴水，船長即刻駛埋去附近畀大家近距離觀鯨，又露背又擺尾，雖然每次只露出水面一、兩秒時間，但已經睇得大家心花怒放，這些龐大但可愛嘅動物應該在大海內優哉游哉地生活，唔應該以科研為名、濫殺為實地老饕的大餐。

Vincent：

上星期Apple搞發布會，全城關注佢有乜新搞作，結果就推出咗新一代iPod同iTunes10。其實，Apple今次除咗發布產品外，據聞仲伺機測試一下新Server嘅流量，所以容許iOS用家網上睇直播，小記由發布會開始睇足個幾鐘，全程畫面都非常流暢，畫質又清。雖然唔知道全球有幾多人同時睇緊，但初步感覺良好，各位Apple迷下次記住留意喇！